السلام عليكم
شخباركم خواتي؟؟
والله اني اعتبركم خواتي فالله واعتبر هالمنتدى بيتي الثاني 
ندخل فالموضوع
يابنات انا حاليا ادرس فالجامعه سنه اولى بس اللي وياي فالكلاس اصغر عني بسبب اني قاطعه عن الدراسه ست سنين
و وااااااااايد ضايجه من هالشي
مب عارفه كيف اتأقلم عاى هالوضع اخاف يأثر في دراستي كل قاعده بروحي اكل فالبريك بروحي احس اني صج صج وحيده مابي ادق حق ريلي فالبريك كل مره اخاف مل مني 
بس انا محتاجه ل هالشهاده واايد
والحمدالله ماشالله الله يحفظ ريلي ماقصر دخلني على حسابه
وبما اني حابه الدراسه وربي يسرها لي اخاف هالشي يأثر حييل عليها
انصحووني وساعدووني
وادعولي ان الله يوفقني في دراستي
لا اله الا الله00عزيزتي هذا شي طبيعي بالاول لكنج بتتعرفين ع
البناات وبيتعرفون عليج مع الوقت حبوبة0
اصبري اشوي واتسلي يالقراايه وبيختلف الوضع ان شااء الله0
وانتي من نااحيتج تقربي ع البناات وصدقيني ما بيقصرن معااج 0
الله يوفقج ويسعدج دنياا واخرة ياارب
بالتوفييييييييييق خيتوو
عادي انا بعد قاطعه من ست سنيين والحين اول سنه لي فالكليه وببداء من باجر .. واكيد اغلب الي وياي اصغر عني حاولي ما تخلين هالشي ياثر عليج وخلج كووول حاولي تتأقلمين وياهم وربي يوفقنا ان شاء الله
حبيبتي عمره ما كان فرق السن عيب فالدراسه بالعكس خالطي البنات وسولفي وياهم وكوني شرات اختهم الكبيرة
وتساعدوا ويا بعضكن اذكر يوم كنت ادرس فالجامعة ان في حريم اكبر عنا بست او سبع سنين يوا وكملوا دراستهم ونحن كنا دوم وياهم بالعكس ما قلنا انهن كبار وما احتكينا فيهن
ربي يوفقج في دراستج بما انج تحبينها وشدي حيلج ^^
تعرفي على البنات من خلال الدروس يعني درس مافهمتي دوري وحدة تشرحة لك وكلميهن عن الدراسة
ايام ما كنت ادرس كان في عندى حريم وحدة عمرها في الاربعين اذا مش بالخمسين وحدة عاد قاطعة نص الثلاثين وعادي حبيبتي كلهن ملسونات اخخخخخخ والكلاس يتحرك على كيفهن وماهمنه شئ وكل وحدة تتكلم عن زوجها واولادها وعزومات للبنات وعايشات حياتهن
حبيبتي لا تحطين العمر فبالج اكيد بتلقين صديقات وايد فالجامعة وما يخص العمر
بالصداقة ابداً
حاولي تحتكين فالبنات وتسولفين وياهم
والله يوفقج في دراستج
عادي الغاليه
اتعرفي على البنات ولا اتخلين السن يفرق من بينكم ولا يبعدج عن البنات وبالاخص انج في الجامعه
يعني لازم تتعرفين على حد
عشان اذا صارلج شيء بعيد الشر عنج
تقدرين تتواصلين مع حد
اتساعدون بعض
بالاخص في البروجكتات ومن هالامور
اتعرفين انا يوم درست انا كنت اصغر بنت في الصف وكل الحريم اللي ويايه كبار وامهات
بس الحمد كنا فني
وسوالف وما انحسس بعض بالنقص ومن هالامور