السلام عليكم ورحمة الله وبركاته
خواتي استوى وياي موقف وبخبركم فيه ……
انا هالايام اتعلم القيادة ….في البداية خذت 10 حصص في الباركين والريوس …ولما سويت الفحص
نجحت .. لان الباركن والريوس في نظري سهل ….وبديت في التدريب في السوق …وآخر حصتين رقم13 و14…….خذتهم امس … وعقب ما خلصت نزلت من السيارة … وسرت اركب سيارة ريلي …فاجأني وقال يلا سوقي السيارة نبي نشوف كيف سواقتج…….وانا في حياتي غير سيارة التدريب ما سقت ………
ولما ركبت السيارة وعدلت الكرسي..وبديت اسوق حسيت اني اول مرة اسوق …
السيارة مختلفة …. مع ان المدربة تمدح سواقتي وامس قالت لي اني جاهزة حق الفحص …… ..لكن في هالسيارة (سيارة ريلي)…حسيت اني صفر في السواقة…شوي واسوي حادث … شو السالفة ؟..هل في فرق بين السيارات ؟… خبروني اذا مريتن بمثل هالموقف.. ….
طمنوني لان معنوياتي الصراحة تحطمت……. عقب ما كنت مستانسة …احس بالاحباط …جني مول ما بسوق عدل…
والسموحة اذا طولت عليكن ……
اول شي الحمدلله على سلامتج
الارتباك اختي سبب الحادث
انا بعد اول ماخذت الليسن ركبت معايه اختي وارتبكت وكنت بسوي حادث
مرت 6 شهور وانا متعقده واخاف اذا حد ركب معايه
ويوم اكون بروحي اسوق بكل ثقه
الله يسر امورج
حبيبتي الوضع جدا عادي ،، ولانج متعودة على سيارة النعليم لازم تحسين الفرق ،،، ولانج توج تبدين تسوقين بتحسين من سيارة لسيارة غير ..
يعني تحسين لحد ماتتعودين عسيارة ريلج بيكون عادي وعقب مثلا سقتي سيارة اخوج بعد بتحسين غير اوسيارة اي احد هذا فالبداية بس عقب ماتتعودين أي سيارة اييبوها لج بتسوقيها
ولايهمج ولا شي كلنا مرينا بنفس الشي لحد ماصار الامر اسهل من السهل بإذن الله والله يوفقج ان شاءالله
لاتحاتين عادي
شوفي هالموضوع غاليتي
http://www.forum.uaewomen.net/showthread.php?t=767964
ومن ناحيه الفرق بين السيارات >>> شي فرق بين السيارات>>> بس هالفرق بيختفي بالممارسه
يعني يوم بتاخذين الليسن ان شااء الله عقب اشوي اشوي بتتعودين ع سواقة سياراتكم ومن عقبها باجي السيارات بتكون سواقتها عاديه لانج خلااص بتتقنيين السواقه عدل
ولا تحاتين وشلي الخوف من قلبج دام انج واثقه من سواقتج
بالتوفيق
مشكوووورات خواتي على الدعم المعنوي ……… ما قصرتن …….
الله يوفقج
انا بعد كنت مثلج يوم اسوق ويا المدربة تقول سواقتج اوكي , بس يوم اسوق بسيارة حد من الاهل ماعرفت اسوق
ها ف البداية لاني ما كنت متعودة الا ع سيارة التدريب
وانا ماخذة الليسن من شهر 1 و بعدني احس , يعني مسافات قصيرة مال ربع او نص ساعة اقدر اروح بدون خوف , بس لو زيادة اخاف وارتبك واغلط وايد
انا يبالي تدريب اكثر لاني ما طلعت وايد…. انتي بعد يبالج تدريب لين تتعودين ولا تتحطم نفسيتج ولا شي , ترى مع التدريب بتستوين اوكي