السلام عليكم ورحمة الله وبركاته
مساء/ صباح الخير
بنوتات عندي فكرة موضوع تدور في بالي من فترة وقلت ليش ما اطبقها هني واجوف تفاعلكن
وفكرة الموضوع باختصار هي:
كل بنت فالدنيا تحلم بزوج المستقبل وتحلم تكون اسرة وبيت, وتفكر في فترة تجهيزات العرس وكيف بتكون ليلة عرسها وشو التحضيرات لهذا اليوم عشان جي ييت بفكرتي, وايد بنات يفكرن بالعرس وبنات تخطن سن الزواج اصلا
هني الفكرة انه كل بنت تيي وتتخيل ويانا ليلة ملجتها وعرسها وانها يالسة تجهز لهذا اليوم فأبا من كل وحدة تحط صور مثلا لفستان الملجة وفستان العرس شكل للميكب اللي تحبه وطقم العرس مثلا.
الخيال هذا ممكن يتحول لواقع في لحظة وبدون ما تحسين وتجوفين نفسج عروس صدق
اتمنى مشاركتكن وياية واتمنى ما يكون فيه تعليقات جارحة من اي حد.
تقديري لكن
ينقل للقسم المناسب
في موضوع مشابه موضوعج من الاخت الجوهره ووايد كان فيه تفاعل
ان شالله متى ما فضيت بنزل صور 
انا ذوقي بسيط بس احب فستان الملجة يكون ذهبي او فضي
وشعري بخليه ملولو ابا فستان يغطي الدفوهات ههههههه
ابا المعرس يغرم فيا خخخخخ
بالنسبة للعرس بخلي شعري بعد فلت ما ابا ارفعه
فستاني اباه نص منفوش وما فيه شغل وايد وكمامه دانتيل طويل
لاني خجولة ما احب اتزلط
ادعيلي احصل فارس احلامي 
هذا يشبه الفستان الي بلبسه
مممم انا وايد احلام عندي ودي ريلي يرزف لي على الكوشه ويمسك مكرفون ويعبر عن حبه لي واني لقاني من بين البنات لقطه وانه بيحافظ عليه ويوعد اهلي بها الشي بالمكرفون هه اخاف الحسد مممم ويوم يبون يزفونه اترياه على ممر كوشه ونمسك ايد بعض ونمشي لحد الكوشه خاطري يكون شعري طويل واسود ومكياجي خفيف يبين ملامحي وفستاني يكون على جسمي مش منفوش خاطري عرسي يكون مميز طاولات وكراسي وديكورات القاعه مميزو والاناره خفيفه ويكون بسيط وراقي ..
اهم شي تكون فيه فرحه للكل…
الله يرزقني ويرزق كل البنات
وين التفاعل بنات
ترى الموضوع حلو لا تخربو شاركوا
اتمنى تتحقق احلامكم بس ما تتخيلو شي بعيد عن الواقع …