بناااااات
.. خاطري اسوي عود معطر لعمري .. يعني يكون شغل ايدي ..
ف بغيت خلطه بسيطه للعود المعطر .. تكون مجربه ..
لذلك هالتجمع بيكون لتبادل الخبرات و التجارب عن العود المعطر
لا تيبولي خلطات من النت .. لان جبدي لاعت من خلطاتهم .. دورولي براسي حد يقول شي واييج حد يقولج شي ثاني .. *
و اي رد مثل للرفع موفقين و من هالقبيل بينحذف من قبل المشرفات
ارجو الالتزام
فديت الحلوات انا الي دشوو ولا سوولي سالفه ~.^
اب اب اب
انا ما اسوي وايد دخون وجذه بس ساعات اسوي التالي
اخذ كميه من العود ويكون نوعه زين مب اللي التوله بعشرين لانه هذا ماينفع حق اي شي
احط العود في جدر زجاجي على النار وازيد عليه فنجان ماء ورد
اغليه يغلي ويبتدي يتشرب ماي الورد
اجففه شوي بفوطه ناشفه وعلى طول احطه في غرشه واصب فوقه دهن الورد + دهن العود قليل منه + دهن المسك الاسود(مهم جدا ان العود ما يكون غرقان بالعطر لكن كل الكميه يكون تغلفت بالعطر بس)
اخض الغرشه زين زين واتركها شهر
عقب شهر ابتدي استخدم العود وكثر ما اقدر اخليه يجف يعني ما يظل العطر فيه لان يوم يكون مبلول بالعطر ما يعطي نتيجه حلوه ويحترق العطر وريحته تغطي على ريحة العود المعطر
اممم بجربها .. بس في كم سوال .. بطرشلج ع الخاص
للرفع
للرررررفع