السلام عليكم .. شحالكم صبايا
حبيت انزل هالموضوع لانه ملعوزني ضرس العقل
ف الفك العلوي وملتهب اللثه ومسوي اورام ع قولة الدكتوره خفت والله اول مره جي ؟؟ حد منكن عندها خلفيه عن هالامور وارتحتو يوم جلعتوه ولا ندمتو ؟ وامممم وتحسون راص ع ضروسكم وايكم صداع وودوخه ؟ لانه يضغط ع الاذن وجي .. ووين تعالجتوا بليز اذكروا اسامي العيادات والدكاتره للفائده .. وف اي منطقه
وشو رايكم بمركز الاخصائئين الطبي ف عجمان .. الدكتوره ايزابيلا
فوووووق
هلا اختي .. سلامات ماتشوفين شر
ضرس العقل معروف بكثرة مشاكله وغالبا ينشال خاصة لو بدأ يأذي
بالنسبة لي انا شلتهم ..اثنين شلتهم خلع عادي وواحد شلته بجراحة في مستشفى النور في ابوظبي
وعليكم السلام ورحمة الله
سلامات اختي، اجر وعافيه باذن الله
دامج تقولين ضرس العقل يعورج ويضرب ع الاذن،
يعني خلاص علاجه 95% خلع و 5% علاج عصب
وناااااااادرا ما نسوي علاج عصب حق ضرس العقل
يعني الحل هو انج تاخذين مضاد حيوي بوصفة طبيب الاسنان
وتستعدين حق الخلع ، ترى المسكن حل موقت ومب علاج ..
ديري بالج لا تتاخرين عن تستوي مضاعفات بسبة الالتهاب
وما تشوفين شر
حبيبتي انتي سيري للدكتور وهم بيحكم اذا محتاجه مضاد عشان اللثه والا تجلعينه بس اذا انتي متاذيه وايد اجلعيه احسن
انا تلتهب عندي اللثه وتخف اليوم الثاني , مره التهبت وايد وسرت عطاني مضاد عشان اللثه وخف , معاناه هالضرس
شكرا حبيباتي ع التفاعل .. عطتني الدكتوره مضاد يس ماخذته ماحبببب الادويه هههه وعطتني حبه اذوبها ف الماي واتغرغر .. ها برايه بسويه بس الحبه ماحب