اهليين مامييز
يالله شاركونا تجاربكم في المتابعة و الولادة في مستشفى الرحبة حتى الكل يستفيد
الصراحة المستشفى ممتازة من كل النواحي وخاصة في اهتمامهم في الحامل اول ولادة لي كانت عندهم والحمدلله ارتحت
ناوية هالمرة بعد اربي عندهم
انا مربيه فيه مرتين وان شاء الله ولادتي الثالثه بتكون عندهم لان صدق اهتمام قبل الولاده وبعدها والله يسهل الامور..
انا بعد افكر اربي عنهم بس ياريت تساعدونا اذا الغرف كبيرة و ايش نحتاج ناخذ في شنطة البيبي و ايش همة بيوفرونه
للرفع
للرفع
غرفهم زينة حق يوم واحد وانتي وحظج ممكن يخلونج بروحج لو ماشي زحمة بهاليوم
بيوفرون لج حفاظات للاطفال واولويز حجمه كبير بتحصلينه في درج الكبت
انتي خذي وياج اغراض البيبي من ملابس وفوطة لان حطي ببالج اول ماتولدين بياخذون عنج لبس البيبي وبعد ست ساعات من الولادة بعد بيشيلون عنج لبس ثاني لانهم بيسبحونه
ولاتنسين تاخذين ملابس الداخلية حقج خاصة هافات لانج نفااس فبتحتاجين وشلي لبس حقج وشيلة عشان الزوار اللي بييونج وفرشاة اسنان حقج ومعجون وفوطة حق يوم بيوصخ البيبي وتغيرين حفاظة البيبي وكريم حفاظ وخذي حفاظ حجم صغير من الجمعية للاحتياط وستيان رضاعة لو ناوية ترضعين وقماطات للبيبي وبطانية وشبشب حقج وكاميرا لو تبين تصورين البيبي ومشط الاطفال هاللي على بالي حاليا بعد في اشيا بس ناسيتها والله يسهل ع الجميع ان شاءالله