السلام عليكم
هذا تجمع لصاحبات البشرة الدهنية فقط
بنرمس عن كل شي يخص هاي البشرة الحلوة
غسول كريمات سن بلوك لوشن …………..الخ
اتمنى التفاعل مع الموضوع
و كل وحدة تخبرنا شو تستخدم بالتفصيل
عن نفسي اغسل ويهي بلايف بوي وبس
اي شي ثاني تحسست بشرتي وطلع لها حبوب واسوء شي جربته نيتروجينا
افضل شي جربته لحد الان هو منتجات فيشي الفرنسية وهية منتجات طبية وخالية من الكحول اللي يجفف البشرة استخدم منهم كل شي من مزيل مكياج وواقي الشمس والمرطب والغسول والتونر وحتى المقشر رائع ..تلاقيها في صيدلية بوتس وحطيت كم صورة منها في موضوع المشتريات الخاصة للبشرة
وفي شغلة ثانية استخدمها هية مقشر الانف من soap &gloryبعد من صيدلية بوتس وهوة بالنعناع وتحسين بالحرارة لما تخلييه على الانف بس يقشر عدل وراه احط الخشم من نيفيا احسن نوع جربته
اما الماسكات احسن شي ماسكات كاسمارا من نزيه اللي تجي باودر وجل ينخلط مع بعض ولما ينشف يصير نفس البلاستك وتشيليه عن وجهج بسهولة نفس اللي يستخدموها الصالونات اني استخدم اللي بالشاي الاخضر,وبعد ماسكات محل the face shopاللي بالكيوي للبشرة الدهنية وماسك الكولاجين حلوووو
المشاركة الأصلية كتبت بواسطة ام هاني ونودي 
اي شي ثاني تحسست بشرتي وطلع لها حبوب واسوء شي جربته نيتروجينا
اختي اسوأ شي تستخدمين الصوابين هذي للبشرة اكيد تتحسس منها وتطلع حبوب البشرة الدهنية تحتاج غسولات وعناية خاصة فيها
المشاركة الأصلية كتبت بواسطة احب العطور حبوبة انا ماصرت اغسل بصابون لايف بوي السايل الا بعد ماجربت كل انواع الغسولات الطبية واللي بالسوبرماركت من كلين اند كلير ونيتروجينا وغارنييه
وكان ويهي يحكني بشكل وحبوب ومحمرة
الحين الحمد لله الأمن مستتب^^
ويهي ناعم ومب متحسس ماشاء الله
بما انج صاحبة الموضوع اتوقعتج تكتبين لنا تجاربج وطريقة العنايه الخاصه بج
المهم
انا بشرتي ابدا مب دهنيه بس مصنع زيوت لايمل ولايتعب
استخدم فيشي الاخضر (الغسول + التونر) 3 مرات باليوم
وهاي الصابونه اخليها بشنطة الويكند استخدمها حق ويهي عجيبه بصراحه وقيمتها بحدود ال7 او 8 دراهم من اللولو
عشان ما شل وياي وايد اغراض يعني صابونه بدل الغسول والتونر اللي ممكن ينجب اويوسخ لي الشنطه
سكراب وماسكات 3 مرات بالاسبوع وبالشتا مرتين بس في الغالب من منتجات ذا فيس شوب او ماسك طيني او اسوي ماسك العسل والليمون
السن بلوك من بوتس
ما استخدمه دايما لانه ممكن يزيد الدهون بزياده بس حسيت انه احسن الموجود بما ان كل الكريمات المقاومه للشمس تزيت بزياده للبشره الدهنيه
انا الحييين استخددم نييتروجينناا.. اما الواقي…..الخ ابا استفيده منكم