مرحبا يا امهات ويا كتاكيت
فتحت هالموضوع علشان نتجمع نحن الامهات ونتعلم من خبرات البعض
وخاصة اللي عندها اول طفل يدخل الروضة
ونتكلم عن استعداداتنا لهالمرحلة الجديدة
وبخبركم عن نفسي
اولا سبب التوجه للروضة حكومية هو الخوف من الروضات الخاصة اللي كل يوم يطلع فيها شي جديد مثل عدم مطابقة المعايير وغيرها
هذي اول بنت لي فالروضة شهر بتكمل سنوات
بحكم اني معلمة درست بنتي وايد اشياء فالبيت حروف ارقام وسور القصيرة الاشكال الحيوانات
بتكون ان شاء الله كيجي في روضة اطفال بوظبي وبصراحة بعد اجتماع اولياء الامور وايد متفائلة بس الخوف بعد موجود لأن اول وحدة
والحين ابى كل وحدة مسجلة بنتها في روضة حكومية تشترك معنا فهالتجمع وخاصة امهات بوظبي ونستفيد من بعض وحتى لو كي جي ناخذ من خبرتها اشوي
السلام عليكم
انا بنتي في روضه اطفال ابوظبي..
وان شاء الله السنه اليايه بتروح كيجي تو ..
من ناحيه تدريس ماده العربي والقرآن اوكي الحمد لله..
لكن انجليزي وارقام مافي ابدا..
مع اني من قبل لا تدخل الروضه ونا احاول اعلمها لكن للاسف طاحت عند معلمه انجليزي مب لين هناك كملت فتره واستقالت ويت معلمه انجليزي ثانيه بعد مادري شو صار فيها وغابت ..
اول سنه للكيجي ون ما يعلمونهم حروف انجليزيه وهذا الشي ما عجبني صراحه..
اما من ناحيه النظام والاهتمام فالطفل والنظافه والأمان والرقابه ماشاء الله صراحه ما لقيت مدرسه مثل هذي الرقابه الشديده..
واهم شي مكان نظيف ويفتح النفس للأطفال وكله انشطه مسليه وممتعه تحبب أطفال الكيجي ون في المدرسه..
بس من ناحيه دراسه يوميه للطفل وكتب وواجبات يوميه مافي وهذا شي احبطني ..
احترت وايد لكن فالنهايه خليتها في مدرستها واهم شي انج تروحين وتجوفين اول يوم وتقعدين مع بنتج فالصف وتجوفين اذا المعلمه اوكي او لا عشان اذا ما ارتحتي للمعلمه تبدلين الصف ..^^..
ونا الحمد لله بنتي معلمتها المواطنه ماكانت تقصر ابدا جزاها الله كل خير ..
بس انا متخوفه هل الكيجي تو بتكون معلمه انجليزي بس ولا بيكون معاها معلمه مواطنه..
والمحزن فالموضوع انه المعلمه الانجليزيه هي مربيه الفصل والمواطنه بنت البلد هي المساعده!!!!!!!!!! صدق شي يقهر ويعور القلب!!
مشكورة ع الرد بصراحة احبطتيني
اشوي بس بخصوص كي جي تو سمعت في الاجتماع ان راح يكون في تعليم مب مثل كي جي ون وان ش الله وضع طفلج يكون احسن
السلام عليكم ورحمه الله وبركاته
انا بعد بنتي بتدخل كي جي 1 واول تجربه لي والله يسهل انشالله وبنتي بتدخل روضه ياس
ياريت الي عيالها درسو بهذي الروضه يفيدونا من ناحيه التدريس النظافه والمراقبه وكل شي عسب الكل يستفيد
الله يوفقها ان ش الله
وانا بعد سجلت ولدي بروضه بني ياس
اطفال المعرفه ووايد خايفه من التدريس وما اعرف كيف نظامهم لان اول ولد
ان ش الله يتوفق ولدج فهالروضة