ماشاءالله تبارك الله
السلام عليكم ورحمة الله وبركاته
اخواتي الحوامل في البداية مبروك والله يتمم علينا على خير ان شاءالله .. ويرزق كل محرومه يارب
خواتي خلونا نفتح صفحه نتكلم فيها عن مشاكلنا وعن الاغذيه والاشياءاللي بتساعدنا على الحمل والشهور اليايه ان شاءالله
بتكلم عن نفسي
انا دايخه وشكلي مرهق عيوني داخله بجمجمتي هههههههه واحس بإرهاق مب طبيعي وانا اداوم يالله ابطل عيوني وانا خلاص متكسره وحالتي حاله هذا كله من اعراض الوحام ويوم تأكدت من حملي ماعرفت شو الاشياء اللي ممكن تساعدني انها تخفف من هلاعراض
وانا اراجع عند د ماجده في مستشفى النور وايد طيبه ورحوووووومه .. حبيتها والله وان شاءالله بربي عندها
يالله بنات خلونا نتجمع هنيه
هلا اختى
انا الحين فى الشهر الثانى
والوحام بدى عندى بصراحه وايد تعبانه
كل ادوخ وارهاق وتعب ومالى خاطر لشئ
مرات جى اكون راقده ومن انش اطيح وادوووووووخ
ان شاء الله الوحام يروح عنى جريب يارب
وبعدنى ما فتحت ملف فى مكان
محتاره يا النور يا عند الامير الطبي
ماعرف وين 
ياهلا والله في بنات ابوظبي شوفي عيوني انا جربت الدكتوره ماجده في النور وايد وايد طيبه ورحيمه وعلى لسانها بس ذكر الله وايد احترمتها وحبيتها ومبين عليها انسانه تخاف ربها .. فأنصحج سيري عندها انا قالولي الحليب ويا الزنجبيل يخفف اعراض الوحام جربيه غناتي بس اه شي يكون دافي
انا تونيه بالثاني وسرت العياده لانيه من ربيت ابد مافحصت وها بيبيه الثاني وكل ماسير السوق اغمى علييييه يعني متحرمه الطلعات
ميميه الحال من بعضه غناتي اسئل الله لنا الاجر والثواب على كل التعب والمعاناه اللي نعانيهــا .. دوري دكتوره زيني والتزمي وياها لاتشتتين عمرج بأكثر من دكتوره اسئليها عن نظام تغذيه زين حق الحامل انا بسئلكم وبرد اخبركم
مبروووووووووووووك الحمل للجميع …
اكلو بسكويت على الريق يخفف من اللوعه … ولاتنسون الموز على الريق يغلف المعده وبكذا يخفف الحموضه عندكم .. والله يهون عليكم يارب ..
الله يحفظج فاشن غناتي .. والله يهون علينا كلنا يارب تسلمين على النصيحه