السلام عليكم
اشحالكم بنات ..
انا من النوع اللي ما اخاطر بأي منتج الا وانا سويت عليه سيرج او سالت عنه وها اذا اقتنعت اشتريه ..
سبحان الله وبالصدفه شفت منتج يديد ف السوق الصيني منتشر صوب محلات وكشكات المنتجات الطبيعيه : لصاقه تنحط تحت منطقة البطن " اللزقه عباره عن قطعه مربعه تقريبا شكلها وريحتها نفس ريحة "سلامباس "
اللي خلاني اشتريه :راع الكشك اقنعني بانه هاللصاقات عليه شهاده والناس جربته .. طبعا ما ترددت يوم قالي عليه شهاده اشتريته .. الباكيت فيه 20 على ما اعتقد .. قلت خلنا انجربه : اول يوم وثاني يوم الى ثالث يوم كانت الامور طيبة .. وصلنا لليوم الرابع حسيت بحرق منطقة البطن "الجلد " حسيت بالحكه .. خامس يوم ما قدرت احط اللصاقه خلااااص يحرقني فصارت المنطقه مربعه محمررررررررررره .. وخلاص وقفت لاني موب متحمله ابداااا وكل يوم يحجني .. الحين كملت اسبوع والمنطقه محمررررررررررررررررره ويحرقني احيانا وخاصه اذا ياه الماي …
انصحكم والله العظيم لا تجربووووووووووووون اي منتجات التنحيف ابداااا .. انا يمكن ياست وزني ثابت وموب رايمه انزله حسب كلام الدكتورة : حبوب منع الحمل له دور انه وزني ثابت .. للعلم انا موووووب متينه لكن فيني متن خفيف 
, لكن فيني اماكن يحتاج تخفيف…
وبس هذا اللي عندي .. وان شاءالله في موضوع ثاني بكتبلكم عن تجربتي شاي مشهوووووووووووور فالنت والمنتديات واللي نزل وزني في اسبوع بس 5 كيلو وطبعا حسيت اني موب طبيعيه .. ان شاءالله لي عوده واكيد بكتبلكم .
وسامحوني خواتي .
لحظه نسيت احط لكم صورة اللصاقات هاي صورته .. وباجر باذن الله بشتكي فالبلديه
حسبي الله علييهم ..
حششى مآ يراعوون الناسس ولا مشاعرهم ..
اهتمي بعمرج وروحي للدكتوره عسسبت ما تزيد الحساسيه ..
الله يهدي جميييع المسلمين يارب
حسبنا الله ونعم الوكيل كلمي حماية المستهلك
انا سويت رجيم الشاي ضعفت بس شعري كله طاح وكنت كله احس بعوار في بطني
هذا غير دوار الراس!
ابتعدوا عن هالاشيا وخلكم على الرياضة والاكل الصحي
المشاركة الأصلية كتبت بواسطة ^GalaXy^ 
هذا غير دوار الراس!
ابتعدوا عن هالاشيا وخلكم على الرياضة والاكل الصحي
كلامج صح .. واشكر الخوات على مروركم لموضوعي
حسبنا الله ونعم الوكيل
لازم تبلغين عن هالمنتج للبلديه عشان يتم منعه من الأسواق ومخالفة البائعين له
تسلمين على التنبيه ،, ويا رب ما تشوفين شر