تجربتي الكريهه مع الكيراتين .

المهيم ،رحت حتى مافكرت اتشل الشيله عن راسي اتشوف شعري شو هو وكيف وسكتت
وقالت بس لازم كيرايتن قبل لانه بيقوي وبيلمس و .. و . يعني رمسه من اخرها بسويلج كيراتين الحين وعقبه صبغ قلت لها عندي مناسبه بعد اسبوعين ضروري اكون صابغه قبلها ابغي اصبغ احينه وعقب كيرايتن حسب كلام المنتدى والنت قالت لا منو قالج ونادت لي وحده تونسيه على كلامها الكيراتين بيخرب الصبغه وماينفع بعد الصبغ لانه مايستوي يعني مثل التمليس بالضبط لازم اول كيراتين قلت بخاطري اخاف الا بيسوون لي تمليس وبيحرق شعري وهم خايفين قلت يالله سويلي اياه هذا الكيراتين

سوت لي اياه شامبو 10 دقايق وكريم على كل خصله وكانت ريحته حلوه شرات الشوكليت يوم خلصت سشورت شعري وعلى طوول سيراميك تقريبا كل هذا خذ مني ..2 ساعتين ونص بالضبط

وعقب سالتها متى بتصبغين حقي قالت لا الصبغ لازم بعد الكيرايتن ب 14 يوم اهنيه تضايجت انا قلت لها انا يوم يييتج انا يايه عسب الصبغ اساسا شو تقولن احينه عقب اسبوعين انا عندي مناسبه ومااقدر هذا موعدها مايستوي جي وانا احاسبها قبلها كانت قايله حقي بالتلفون بسويلج ب 800 درهم
وانا بصراحه مب عامله حسابي الا على هالمبلغ وعلى اساس اكيد الصبغ مابيكون اكثر عن 100درهم يعني يايبه 900 قالت لي الحساب 1000 درهم حسيت انواع لاستغلال وقلت لها ليش قالت شعرج وااايد يباله شغل قلت لها اي شغل انا ربيعتي شعرها اطول عن شعري المتقطع مسويه 900 عند شارم
قالت خلاص هاتي 900 وطلعت وانا معصبه بصراحه
واللي زادني قهر تقوللي اشتري الشامبو ب 400 درهم لازم لازم تستخدمينه على طول سالت ربيعتي قالت لي شعرها تقطع من الشامبو يعني يكفي مره وحده اول غسله والباجي شامبو عادي او شامبوهات مابعد التمليس لانها مافيها كلوريد
المهيم
روحت عنها والموعداليوم الثاني الظهر عسب سيراميك
ورحت اليوم الثاني لقيتهم جالبين الصالون ودخلتني غرفه وسوتلي وحرقت يبهتي عند اذني اليساربشهادة بنت اخوي اللي معاي بس سكت ماقلت شي لانه شعري وايد قصير وهي مب قاصده طبعا

وعقب سالتها شو مستوي بلاه الصالون قالت هذيل عمال بيشلون سامانا عند ماادري وين فالمرور بيكون المقر اليديد حقنا قلت لها زين عن زحمت هالمكان وماشي باركنات
وروحت عنها
اليوم اللي عقبه رحت صالونهم وتميت ادق تلفون من الصبح لين العصر محد رد علي قمت سرت صالون ثاني وسويت سيراميك ودفعت عليه
وقلت مب مشكله واليوم اللي عقبه طرشت مسج حق راعيه الصالون بعد ماحصلته عالنت لاني كنت مضيعتنه وماكنت عارفه انه رقمها اساسا عبالي رقم الصالون وكتبت لهم قلت خذتو فلوسي واحينه ماتردون عالتلفون بهالمعنى طبعا لاني ماادري على بالي 3 مرات سيراميك يعني قصدي سويت مره وحده وباجي بعد مرتين وسرت بعد المسج ابغي اروح صالون ثاني اسوي شعري مره ثانيه وعقب اتصلت لصاحبة الصالون وسالتني شو صار قلت لها يعني يوم مفكرين تنتقلون جان خذتو رقمي على اساسا ماادق ادوركم الا محد يرد ولا مقطوع؟؟ والمفروض تخبروني لو بتنتقلون مب بس جي تسووون؟؟؟المهم…قالت لي خلي البنات ايشوفون شعرج اليوم وبعوضج عن المره اللي ماحصلتينا بالصالون الثاني بسويلج جلسة علاج بالفيتامين فرريييييييي وبنصبغ شعرج مثل ماتبين بعد اسبوع والمفروض كان ينصبغ قبل الكيراتين بس غريبه الخبيره التونسيه ماشافتج؟قلت لها السودانيه فتحت عن شعري على طول غسلته بشامبو وسوت لي كيراتين؟!!!!!!!!!!!!

المهيم رحت على الموعد بعد اسبوع ويتني التونسيه خبيره الشعر على اساس بتصبغ لي قلت لها انا جذور راسي مب ناعمه شرات الاطراف انتو قلتولو شعري بيستوي حلو وناعم من عقب الكيراتين بس احس به عادي قالت لي لا ياحبيبتي الكيراتين مايفرد الشعر قلت سبحان الله الكلام كله تغير احينه؟!؟
المهيم
قالت لي اي لون تبين قلت لها ابغي شوكليت فاتح جدا وعلى طول راحت تخلط اللون اللي انا ماادري شو هو؟؟بس على كلامي بصراحه (نفسيا ماارتاح لشغل وحده مش مبتسمه او معصبه) حسيت انها ماتبتسم مع اني انا بشوشه ومرحه واعلق واسولف بس ماكان لها خلق موووووووووووووول
طبعا مافكرت تراويني الدفتر اختار اللون اللي ابغيه عالاقل وعقب قالت لي غلط الصبغ بعد الكيراتين المفروض قبل
قلت لها سبحان الله انا تحت ايدكم من قبل الكيراتين وانتو تلعبون فيني شو؟؟كل وحده تذم شغل ربيعتها وتخربط على كيفها اللي معاج التونسيه الثانيه قالت لي كيراتين اول اهي والسودانيه اللي سوت لي انحرجت وقالت لا مب مشكله ماعليه

صبغت شعري وعقب غسلته وقالت لي خلاص قلت لها بس انا اشوف شعري نفس لونه بالضبط ماتغير شي يعني بني متوسط مب غامج يعني المفروض ايبين التغير قالت بعد الغسيل بيفتح وبيصير حلو ؟؟حسيت اني هبله ومصخره!! قلت لها لا تستغبيني اكثر من جي يعني شكثر بيفتح هاتيلي الكاتالوج راوتني اللون البني المتوسط قلت لها وهذا شو يفرق عن شعري انا اللون مب عايبني ولا كاني سويت شي انا ابغي بني فاااتح يعني قالت لي بعد تقريبا 10 غسلات بيستوي نفس اللون اللي تبينه بالضبط قلت الله كريم ونزلت ويات سشورت شعري وعقب قعدت تذم وتقول المفروض كنتي تصبغين قبل وعقب كيراتين وماادري شو وانا ساكته وعيني تدمع من القهر وعقب رحت احاسب قالت لي 150 قلت ليش قالت لي الفلبينيه عشان العلاج الفيتامين مع الصبغ
قلت صاحبت الصالون قالت لي تعويض عن السيراميك الي دفعت عليه بصالون ثاني وعن اللي صار وكل هذا يقصون علي لا وطالعه شعري مثل ماهو انا مابييكم مره ثانيه انتو لعبتو بشعري وخذتو فلوسي

انا طبعا منقهره ووايد وايد وايد وطرشت مسج حق راعية الصالون وقلتلها اسمحيلي مابتشوفيني مره ثانيه في صالونكم لانكم قصيتو علي ….

طبعا اكرر اللي صار معاي مب شرط يصير لغيري وانا اتبعت كل المطلوب مني فتره العلاج بالضبط وعالوقت وخذت شامبو كيراتين استعملته

والسموحه