السلام عليكم كروشات و ماميز
الموضوع باختصار للإفادة ، كل وحده ادش تكتب تجربتها ويا اللولب …
شو نوع اللولب اللي ركبتيه ؟ النحاسي أو البلاستيكي أو الهرموني؟
عند أي دكتورة ركبتيه ؟ و وين مكان عيادتها ؟
عل كانت تجربة ناجحة ولا لا ؟
واجهتي مشاكل صحية ؟
و اللي جربت تركبه بنهاية الأربعين؟ ما حسيني بآلام الخياطة؟
بلييييييييز لا أطنشون الموضوع و أكيد الكل ليستفيد بإذن الله
انا ركبت العادي عقب 7 او 8 شهور من ربيت. عند الدكتورة حنان حاليا موجودة في مستشفى القرهود
عانيت اول شي من الدورة كانت تنزل مثل النزيف بس عطتني نوعين حبوب اخذهم وبعدين الحمدالله اعتدلت الدورة. والحمدلله خليته تقريبا سنتين وعقب شليته.
تسلمين أم ودايم ع الرد ، انا وايد محتاره بس افكر اركب الهرموني بنهاية الأربعين و هذا ثاني حمل ليي و خايفه من آثاره السلبية
اصلا الهرموني مايركبونه حق اي حد قالتلي الدكتورة اركبونا حق اللي عندها اصلا مشاكل في الدورة او المبايض او شي جي.
انا مااا افكر باللولب موووول
من كثر ما اسمع عن النزيف او الحمل خارج الرحم او الالتهابات
انا جربته مرتين وما انصح فيه بصراحه وانتي استخيري
انا جربته ثلاث مرات
وكل مرة كنت اخليه ثلاث سنوات
وبعدين اشيله عشان احمل
والحمدلله وايد اوكي
وايد ناس خوفوني منه وسالت الدكتورة
وقالت لي هو افضل وسيلة لمنع الحمل
ومشاكله اقل بوايد من حبوب منع الحمل
طبعا اول ست شهور بتحسين بغزارة الدورة الشهرية
وبعدين يتاقلم جسميك عليه
واهم شي انك تتابعيه كل ست اشهر
وافضل وقت لتركيب اللولب بعد الولادة او خامس يوم بالدورة
وركبته مرة عند عيادة اوراس ومرة عند الدكتورة اميرة بمستشفى الزهرة
ومرة في مصر يوم كنت مسافرة
طبعا ركبت العادي