شخباركن ان شاء الله بخير وعافيه…..
اليوم حابه لو اتشاركوني ابتجاربكم مع عيادات او الدكاترة الجلد…
منو احسن دكتور..؟؟
شو كان فيكم ووين اتعالجتو..؟
دكتور تجربتكم كانت شينه معاه وحابين تنصحون الأعضاء عشان يتحذرون منهم؟؟؟؟
================================
انا ببدأ واتمنى مشاركت الجميع معاي….
انا عندي مشكله في ظهري وايدي حبوب واثارها ومالقيتلها حل لين احين
رحت عند كم دكتور ولا في فايده
سمين اهاري: غاليه وماستفدت منها
منى بن عون: سوتلي تقشير بس للأسف حرقتني وخذلي وقت لين ماتعالجت واختفى اثر الحريق
عيادة أوباجي: علاج بس مؤقت بعده الحبوب ترجع
والحين بتزوج جريب وقاعده ادور عياده او دكتوره جلديه شاطره عشان اتعالج
وقاعده افكر فالتقشير لأنه المنطقه عندي كبيره
ووفكرت حتى في حبوب رواكيوتان بس خايفه منه
================================
هذا تاريخي مع العيادات الجلديه
واحين بانتظار تجاربكم ونصايحكم
عندج الدكتوره سمحيه و الدكتوره سعاد…
المشاركة الأصلية كتبت بواسطة BntZayed 
تقصدين سعاد لطفي
مايمدحونلي اياها الصراحه….
مشكوووره على مشاركتج 🙂
الغاليه عندج الدكتوره ناديا من بوظبي
دكتوره فنانه وايد اوكيه
انا اتعالج عندها للبشره والليزر
واسعارها اوكيه
سمعت عن الدكتور علي التكمجي انه زين
انا اتعالجت عشان الحساسيه في جسمي عند عاشه القطامي والصراحه من اول جلسه وجان اخترش واقول بسوي عندها بعض الشغلات مثل التقشير خساره فلوس وقلت باخذ عنها كريمات هي تسويها وبعد خساره فلوس …..يعني هي للتجميل ماتنفع بس للعلاجات الخاصه ببعض الامراض
سرت عن هشام الصواف عاد والخيبتين ……عشان اعالج حب الشباب الي ظهر في ويهي ………مب بس خساره فلوس الا دمار شامل في ويهي
ااخر شئ لجأت لشئ اسمه طبيعيه وهذا بتحصلينه في منتدا سيدات الامارات يميع الخلطات الي صدق اتخليج تردين احلا عن قبل ………وببلاش
وطبعا هالعيادات كلها في راس الخيمه واتمنا اني ماظلمتهم
منو جربت د سعاد لطفي تخبرنا عنها وعن علاجها ؟؟
ومنو د ناديا في بوظبي