السلام عليكم
انا ولا مرة صابغة شعري ومن شهرين تقريبا قمت احني شعري وحسيت بصراحة بنعومة وشعري اتغير للاحسن شوي
انا استخدم حنا من اليمن وساعات حنا افغانية
بس اناا با تجاربكم ويا االحنا لتوين الشعر او لتغذيته
انا سمعت بنات يحطون ويا الحنا نسكافيه للتلوين صدق يغير من لونه
انا شعري بني غامج اباه شوي افتح منو جربت الحنا ويا البابونج ؟؟
بنت خالتي تسوي هالسوالف
تحط حنا مع بيضتين وزيت زيتون و نسكفيه وكركم
مع كم مره من الاستعمال فتح لون شعرها
انا حكايتي مع الحنا طويلة
حنت شعري عدة مرات و الحمد لله كل مرة الحنة تكون أحلى و أفيد
و أحطلها أشياء كثيرة في كل مرة
اذا حابا حنة للفائدة و العلاج اي لتمليس الشعر و تغذية الفروة حطي فيه خلطة زيوت متعددة و و منقوع قشر الرمان و ماء البصل و هذا أنا مجرباه طبعا
اما اذا حبيتي تعطيك لون فضروري تضيفي الخل او عصير الليمون مع المادة الملونة اللي يمكن تكون نسكافيه او شاي او بابونج
أنا استعملت البابونج
النتيجة تبارك الله راح تكون حلوة بس اذا شعرك جاف لازم تعملي حمامات زيت في كل مرة
لأن الحنة بتنشف و البابونج بنشف كمان
أما طريقة استعمال الحنة فخاااااااااااااصة
راح اكتبها لك بعد حين ان شاء الله لاني الآن مشغولة
الله أكبر الله أكبر الله أكبر لا إله إلا الله
الله أكبر الله أكبر ولله الحمد
من تجربتي الحناء صج صج مفيد للشعر
و خاصة اذا كانت الحناء نفسها نوعيتها جيدة و انخلطت بمكونات جيدة
انا من زمان سويت كذا مرة خلطة حناء لشعري، بس كان شعري يصير خشن اخشن من قبل
فتركت الحناء
بس من بعد رمضان عزمت و توكلت على الله و سويت خلطة حناء لشعري
هذا طبعا بعد ما قريت اكثر من عشرات وصفات الحناء للشعر، رسيت على وصفة وحده و تقريبا بكمل لي شهرين و انا اسويها
خلطة الحناء:
10 ملاعق حناء
5 ملاعق سدر
فنجان محلب مطحون
فنجان حبة البركة – السوداء- مطحونة
نص فنجان قرفة
نص فنجان مسمار-قرنفل
هالخلطة اخلطها مع بعض، و اخليها في علبة جاهزة لوقت الاستخدام
لما بستخدمها احطي معاها :
اعجن الحناء بقليل من الماي و اضيف عليه ( ملعقتين روب + نص بيضة + ملعقة خل + ملعقتين زيت جوز الهند)
اعجنها و اخليها تتخمر اقل شيء ساعة و بعدين استخدمها
و لما بغسل شعري اغسله من غير شامبو، اغسله بماي عادي، و احطي عليه اما زيت او حمام كريم و ارجع اغسله بعدين بماي عادي
ثاني يوم اسوي له زيت و اغسله بالشامبو
بصراحة من بعد عيد رمضان لين الجمعة اول امس،، شعري طول بمقدار 7, يعني اقل من 1 السم
بس الحمدلله،، يعني شعري مب ميؤووس منه و يقدر يطول
و لين الحين مستمره،، و ما بوقف عن الحناء ان شاء الله دامها فادتني و ما ضرتني
ما شاء الله تبارك الرحمن مشكورات للي ردوا
وين تجارب الباجيات
اندليسا كملي تجربتج