السلام عليكم
ربما تارك الصلاة الرجل يصعب عليه اظهار اي حجة او تبرير لعدم صلاته حينما يحين وقت الصلاة ولكن تاركة الصلاة الفتاة لديها الحجة القويه والتي بها تستطيع اسكات اي حد يقوللها يلا انصلي 
الا وهي الدوره الشهريه
بصراحه انا كتبت هالموضوع علشان افضح كل وحدة ما تصلي وتتحجج بالدوره قدام الناس ويا سلام الدوره عندها تكون طيلة ايام السنه بلا توقف 
لو لاحظتن البنات التاركات للصلاة يوم تقوليلها تعالي انصلي تقولج عندي الدوره اكتشفت ان هاي الحجة تستخدمها كل بنت تاركة لصلاتها 
صراحه شفت مواقف وايد في حياتي عن هالبنات وكل وحدة فعلا تستخدم هالحجة يوم تقوليلها يلا انصلي
انزين يوم حد يقولج تعالي انصلي صلي يمكن الله يهديج من هالصلاة واتداومين عليها ترا الجذبه هاي بتنكشف وبتحطين نفسج في موقف محرج 
كيفها ,, صلت والا ما صلت , هي اللي بتتحاسب عند ربها
في النهايه بتنكشف يعني لين متى بتكذب
عسى الله يهديهم .. وجزاج الله خير .. وفعلا في بنات من هالنوعيه طول السنه تتحجج بالدوره الشهريه ..
الله يهديكم بنات مب سالفة هاي هي حرة ادعولها الله يهديها وبس
خخخخخخخخخخخخ
ذكرتيني بنفسي زمان انا من النوع كنت ماصلي وايد
عشان في البيت ماحد شد علي فيها
بس اتذكر ايام الثانوية او تقريبا الجامعة تعلمت زين اصلي بس مب مستمرة فكنت استحي مرات من البنات اقول لهن عندي الدورة وجي عشان مااعرف اصلي ومب متعوده
بس الحين الحمدلله صرت اوكي
هي مشكلة ان الي يفكر جي اختي يكون ماعنده همه بالصلاة يعني يكسل
مافي شي يخليه يقوم
يعني مؤمن بالله وجي بس مايصلي يمكن اخلاقه طيبة وجي بس مايصلي
بس يمكن يصلي يوم يتفشل من الناس
بس الصلاة مب بالفشلة
لازم هو يريد يصلي
وجي
يعرف انه محتاج ربه وجي وان ضروري يصلي
فالي يريد يتحجج هو حر والله بس في الاخير الصلاة عمل يصدقة القلب
يعني الايمان درجات وجي سبحان الله
وصلاة درجة منه فاي مسلم بيصلي وجي بس اكيد صلاته بتختلف
في ناس يصلون رياء في ناس يصلون عشان متفشلين بس وفي ناس يصلون عشان يصلون
وفي ناس وقت الحاجة وفي ناس يوم الجمعة وفي ناس يصلي عادة يعني متعود يصلي يمكن عنده ضمير بس مب هالشي
بس كل واحد في عمره اكيد بيصلي اذا كان مسلم او على الاقل مؤمن
هيه والله صدقج ….
الله يهديهن وبالنهاية هيه اللي راح تتحاسب …