مرااحب خواتي شو الاخباار ؟؟
استفسار حبيباتي في منكم تاخر حملها عقب ما شلت اللولب ؟؟ وشو كانت الاسباب ؟؟
انا شالتنه من شهر ٣ ولين الحين ما حملت ،، طبعا مخلتنها على الله سالفة الحمل وادري ان كل شي بيد رب العالمين،، فما سرت اجيك مع ان الدكتورة قالتلي تعالي بشوفلج المبيض والتبويض ساعات يضعفون شوي وقالتلي بتعطيني ابر تنشيط اذا ضعفوا بس ماحبيت اكبر السالفة وماسرت ..
مع العلم اني اول حمل لي كان عقب ٣ شهور بس من عرست ما كانت عندي مشاكل يعني الحمدلله ..
انا اعرف حريم حملن ع طول عقب ما شلوه من اول شهر وحريم كملن سنه عقب حملن ،، ومش معترضه الحمدلله بس بغيت اعرف ممكن تكون في مشاكل ولازم اراجع الدكتورة ولا عادي اتريا ومتى ما كتبلي ربي بحمل ان شاء الله ؟؟
بانتظااااركم
هلا حبيبتي ..
انا بطفلي الاول ركبت اللولب 6 شهور وشلته لان سببلي مشاكل وعكب ما شلته 6شهور وحملت ..
لكن بطفلي الثالث ركبته مدة 3 سنوات تقريبا بس طول هالفترة ما شيكت عليه ورحت للدكتورة حتى اشيله وقالت لي اللولب صاعد فوك وما استطاعت تشيله الا بعملية بنج عام ..
وبعد هالعملية ما صار حمل ومضى على هالشي حوالي اكثر من 3 سنوات وانا اتريا الحمل .والحمدلله على كل حال ..
اسال الله العظيم ان يرزقك ويرزقنا جميعا الذرية الصالحة ..
أنا ركبت لولب عقب ولادتي الأولي وشليته عقب سنه ونص وحملت على طول وعقيت… قعدوا يقولولي كله من اللولب… عقب على طول حملت والحمدلله كان حمل سليم.. عقب البيبي الثاني ركبت لولب وشليته عقب سنه ونص بعد وللحين ما حملت.. وولدي بيكمل 3 سنوات… رحت كذا مكان يقولولي ما فيج شيء ويعطوني منشطات… ورحت عند ممرخه قالتلي فيج صديد… شدراني شو هذا… ورحت عند وحده غيرها قالتلي عندج انقلاب… ووقفت كل شيء أحين خصوصا انه الهرمونات زادتلي وزني ومتوكله على الله ومستمره عالرياضة بس…
المشاركة الأصلية كتبت بواسطة الدرةالمصونة 
انا بطفلي الاول ركبت اللولب 6 شهور وشلته لان سببلي مشاكل وعكب ما شلته 6شهور وحملت ..
لكن بطفلي الثالث ركبته مدة 3 سنوات تقريبا بس طول هالفترة ما شيكت عليه ورحت للدكتورة حتى اشيله وقالت لي اللولب صاعد فوك وما استطاعت تشيله الا بعملية بنج عام ..
وبعد هالعملية ما صار حمل ومضى على هالشي حوالي اكثر من 3 سنوات وانا اتريا الحمل .والحمدلله على كل حال ..
اسال الله العظيم ان يرزقك ويرزقنا جميعا الذرية الصالحة ..
هلا حبيبتي ،، الله يرزقج الذرية الصالحة يارب ،، اللولب يخوف ساعات وصح لازم الواحد يجيك انا مثلج تقريبا حطيته سنتين بدون ما اجيك ،، ويوم شلته كان عندي التهاب خفيف عطتني الدكتورة عنه دوا بس مارحت اجيك مرة ثانية ><
الله يكون فالعون ،، ومشكوووورة حبيبتي على ردج
المشاركة الأصلية كتبت بواسطة Shammani هلا فديتج ،، انا تراه وايد قالولي عن هالمنشطات عشان جيه مب عارفه اسير اجيك ولا ،، مع ان يقولون خلي كل شي طبيعي احسن ،، لا تعتمدين غير على كلام دكتورة موثوق منها وعندها خبرة ،، والله يرزقني ويااج الذرية الصالحة يارب
المشاركة الأصلية كتبت بواسطة Dream High أجمعين إن شاء الله…
لو خاطرج تحملين الحين سيري للدكتوره بتعطيج منشطات وتابعي معاها بس 3 شهور فتره بسيطه فلا تحاتين ان شاء الله بتحملين الله يرزقج يالغاليه