اول شي العجينة
3 اكواب طحين
4 ملاعق نيدو
2 ملعقة خميره
1 فنجان زيت
1 فنجان سكر
ربع ملعقة ملح
ماي حسب الحاجه لحد ما العجينة تستوي طرية وقابلة للفرد
وبعدين نتركها في مكان حار في الشمس او تسخنين الفرن ولما يكون حار تبندين الغاز وتحطين العجينه في الفرن لمدة نص ساعه لحد ما تنتفخ
وفي هالوقت انتي سوي حمسة اللحم المفروم
وبعد ما انتفخت
فردتها وجهزت القالب ودهنت عليه بالزيت شوي
وبعدين دهنتها بالجبن او بالماينيز
نحن عندنا ما يحبون الماينيز علشان جي انا دهنتها بالجبن
وبعدين تدهنين عليه صلصلة البيزا وفي صلصة جاهزه يبيعونها بس هذي انا سويتها
وبعدين تحطين لحم المفروم وفوقه الزيتون بس انا نسيت ما حطيت الزيتون الاسود والفلفل الرومي
وبعدين تحطين فوقها الجبن المبشور
وبعدين ادخليها الفرن وتشغلين عليها اول شي من تحت ويوم تشوفين استوت شوي من تحت شغلي اللي فوق يعني اللي تحت واللي فوق يكونو شغالين….
وهذا بعد ما طلعناها من الفرن وقصقصناها
شو رايكم؟؟؟؟
يوعتيني من الخاطر…
يالله خاطري واحط عليه تباسكو..يا سلام..
يسلمو خيتو ع المقادير والصوره…
رايي اني أبا آكل البيتزا معاكم خخخخخخخ وعليكم بالعافيه بس شو هي مقادير صلصه البيتزا واللحم المفروم ما نضيف له أي شي وملعقتين خميره مب وايد ونسيت حق البيتزا نستخدم طحين رقم 1 والا 2؟؟؟
ومبروك عليج شهر رمضان وان شاء الله كل يوووم اطرشين لي بيتزا ههههههههههههههه
تسلم ايدج حبيبتي
الله يعطيكم العافية
الله يعطيج العافيه اختي
والله يوعتيني
تسلمين وحداوية ع المرور