السلام عليكم و رحمة الله و بركاته
يسعد لي صباحكم و مساءكم بكل الخير
اليوم بخبركم شو سويت بشعري
اول شى سرت الصالون و سويت فيشل و بعدين سويت تريتمينت حق شعري
سالت الحرمة ربيعتي شو أحسن الأنواع الي متضررة من الأصباغ
قالت لي سوي له تريتمينت البوتكس البرازيلي الصراحة كنت وايد خائفة
بس شفت غيري مسويات منه و خاصة أنهم كلهم نفس طبيعة شعري ناعم
ومتضرر من الصبغة سرت و سويته و توكلت على الله
طبعا قالت لي يوم كامل ما أغسل شعري و ثاني يوم بس استخدم الكونديشنال
و اشتريت منهم شامبو xكونديشنال x ماكس للشعر x سيروم
طبعا اول ما أسبح و اخلص بس أحط السيروم من فروة الرأس اما اسفل يعني اخر الشعر الأطراف ما أحط عليهم سيروم لاني قصيت الأطراف شوي و اعتدل شعري
طبعا في ها لصفحة لمدة شهر او اكثر ان الله أراد راح اقول لكم اذا نفعني و الا لا
انتظروني ،،،، باذن الله ارجع لكم و مع نتائج التجارب ان الله أراد
البوتوكس ابر تنضرب في فروة الراس ما تتسوى في صالونات المفروض في عيادة الا اذا شي هم مسمينه بوتوكس وان شاء الله يفيدج رغم اني ما اثق بالصالونات
لا يا حياتي مب إبر فديتج هو عبارة عن مادة كريم ينحط على الشعر على حسب حالة الشعر انا تم على شعري ١/٢ ساعة لان التلف والتقصف كان وايد على الأطراف من الصبغة و غيره و كأول يوم نشيت من الرقاد و مشطت شعري و الأمور اوكي طبعا احس ان النتائج بتطلع مع السباحة اذا كان بيتشربك و الا لا
هي نسيت فديتكم الشامبو كان على ١٢٠ البلسم ١٢٠ و الماسك و السيروم كل واحد منهم على ١٥٠
و كلهن بالارقاااان ( الأركان )
و التريتمينت سويتها على ١٣٠٠ لان ما شاء الله تبارك الرحمن شعري طويل xxxxx
اذا حد فيكن عندها اساله انا راح أجاو بها
تسلمين الغاليه على نقل تجربتك
انط بأي موضوع فيه سوالف شعر من كثر ما شعري حقل تجارب هههه
المهم الغاليه بسألك هو مثل الكيراتين يعني ينعم الشعر ولا ؟
معقولة بوتكس للشعر!! كيف يعني ممكن تشرحين لنا أختي طريقته هل هو فعلا إبر ولا بس ماسك ينحط فالراس ولا له طريقة ثانية مثل الكيراتين مثلا هل يستخدمون الفير الحار
أختي أنا كنت بعد ما أعرف شو السالفة , بس يوم قرأت عنه عرفت أنها طريقة مسمينها بوتكس , يعني أصلاً ما فيها بوتكس , تستخدم فيها مادة مثل الكريم أو الماسك لمعالجة الشعر , ويقولون أنها تعالج الشعر وتحارب كل الأثار السيئة وتعيده حيوي ,فكأن أثره مثر أثر البوتكس للوجهج , علشان كذه سموه بوتكس . طبعاً أنا ما جربته بس قرأت عنه .