السلام عليكم ..
انا وحده ما احب اخش شي طبيعتي جذا وخاصه بامور نفس هاي انا ربيع ريلي حليله للحين ما عنده عيال والمشكله فيه مب عقيم عقيم ع كلامه بس المشكله منه مب من حريمه حاولت اقنع ريلي يرمسه عن هاي الحرمه لي رحنالها عشان يجرب حظه مارد علينا وهمني الصراحه لانه ربيع ريلي الروح بالروح والريال مب صغير ما شاء الله فالربعين المهم بدش فالموضوع ..
عندي بنت خالتيه عقت من ريلها الاولي وبعد ما طلقو انتفخت حليلها وجسمها حبب والدوره ما نتظمت بعد ثلاث سنين الله رزقها بريل ويوم يت تبا تحمل ما قدرت قالولها من الدوره اللي مب منتظمه والرحم عندج مبين عليه شي وع كثر الفحوصات ولا فاد شي تمت سنه والريل طفر بس تحمل لانه يحبها المهم سبحان الله امها حصلت وحده بلوشيه عيوز من باكستان فنفس الفريج مدحوها قالت مب خسرانه ويابتها مسحتها هالعيوز وقالتلها الرحم فيه ماي خايس وهالماي هو اللي مخلنج ما تحملين ومخرب جسمج الغريب انه فالفحوصات والاشعه محد طرى الماي فالرحم المهم الحرمه تمسح تجوف الرحم اذا مفتر او نازل تحاول ترده مكانه يعني شرى حريم اول بعد المسح تحط كورتين تحت لمده ثلاث ايام ثالثا ايوم تردين عشان تشله وع طول بعد ما تشله لازم ترقدين مع ريلج سالناها ليش هالكورتين قالت هاي اعشاب تنظف الرحم وتنزل اي شي فيه يعني تهيأ الرحم للحمل ويكون المكان نظيف ومافي شي يمنع البويظه تتلقح حليلها حطولها هالكورتين تقول امها خيستنا ريحه خايسه تطلع منها وكله اتباول بول متغير لونه بس ارتاحت لانه نزل الماي لي فالرحم كان متكود حتى العوار راح لي كانت تحس فيه تحت ويوم خلصنا العلاج ورقد الريل معاها بعد الثلاث ايام الا الام يايه تبشر البنت حامل بعد شهر وامس مربيه يايبه توم ما شاء الله مثل العسل ^^ .
هاي اول وحده جربناها عند هالعيوز الثانيه ربيعت امايه حرمه معرسه متاخره تعدت الثلاثين وعندها مشكله المبيايض الصراحه رحت وياهم اول يوم خلاف قامت تروح روحها لانه اذكر الحرمه قالتلها انتي رحمج تعبان وايد قالتها فيني المبايض قالت تعالجي وفنفس الوقت قالتها مب معناته ماترومين تحملين ان شاء الله اذا ربج راد بتحملين بس انتي يبالج كذا مره من هالكور لي احطهم تحت عشان الرحم يتنظف وادعي ربج .
ثالث وحده ختيه عندها ولدين ما شاء الله تقول من بعد الثاني بدا ويع تحت البطن بموت منه تقول وانتفخت كرشتها غدت حصاه من صلابتها جنها حامل المهم مسحتها قالت الرحم مفتر عندج وبحطلج هالكورتين بس بعد يبالج كذا مره لانه من سنين الرحم عندج مفتر ومحد عدله وع كل مره بمسحج لين يعتدل وماتحسين بالالم .
الرابعه بنت خالتيه توها عروس من سبع شهور قالت احس بعوار يوم يرقد ويايه وتحت البطن عوار ماروم اتحمله مسحتها وقالت الرحم مفتر عند وحطتلها الكورتين وارتاحت من العوار الحمدالله بس ما حملت لانها ماردتلها المفروض ترد يعني لانها معرسه متاخره يمكن تحتاج بعد مره هالكورتين .
الخامسه بنت خالتيه بعد مسحتها وهي عندها بنت وولد وبعد اخر بنت بدت تحس بعوار فالرحم مسحتها قالتلها مفتر بعد وحطتلها وارتاحت الحمدالله بس ما بغت تحمل هههههههههههه وحملت وسبحان الله كم شربناها الجرفه واكلناها الاناناس والله راد هالبنت تنولد والحمدالله البنت اللحين عمرها شهرين ..
للمعلوميه بس الحرمه في راك وما تعرف ترمس عربي مكسر واكثر الرمسه مب مفهومه يبالج حد يترجم نحن ع حظنا جارتها اترجملنا ومرات يوم نروح مب موجوده نترياها لين ترد البيت عندها تيلفون بس يبالكم مترجم انا عارفه المكان وين بس الرقم عند امايه اذا حد بغا
هاللي عندي وانا والله وربي يشهد علي انه لي كتبته من تجارب لي عندي وحبيت افيد للي للحين ماحملت ويكون السبب انه الرحم فيه وصخ
مشكورة اختي جزاكي الله كل خير بس كيف اروح عندها لو بدي اروح
الحمدلله كل شي بيد الله
اذا تبين تنفعينا ارسمي خريطة بيتها وكتبي اسمها وارقامها
وياويل حد من هالمشرفات نطت ومسحته
الي فيها خير تمسحه ياويلها
مقهورة انا من هالدعايات ولااشوف حس لحد يمسح واذا يا الجد نشن يمسحوون
توكلي اختي كتبي البيانات وياليت تخبرينا شو هالكورتين هن خشب هن مطاط
شو هن
وكيف بقعد واقوم وانا هالكورتين فيني احس تعور
وسؤال كم تاخذ فلوس ع الموضوع
واخر شئ شو عقيدتها اخاف تقرى شئ على هالكور
لاتبطين علينا نتريا
اللهم انك سلطت علينا عدوا عليما بعيوبنا – يرانا هو وقبيله من حيث لا نراهم )))
اللهم آيسه منا كما آيستـه من رحمتك
وقنطه منا كما قنطـته من عـفوك — وباعــد بيننا وبينه كما باعـدت بينه وبين
رحمتك وجنتك
مشكورة لانج تبغين تنفعين غيرج
في ميزان حسناتج أن شاء الله
بس من اللي ذكرتيهن وحده فقط ما كانت تحمل وحملت
والباقيات عالجتهن لكن ماشي حمل و وحده عندها عيال من قبل يعني ما عندها مشاكل وايد
سالفة المساح انا اقول ممكن اتفيد لكن أنها اتحط كورتين واعشاب في هالمكان الحساس الصراحة يخوف شوي
ماشاء الله الله يجزيج الخير