بنظركم
ليش الناس ممكن تستصغر الشخص؟
بعطيكم مثال:
يعني مثلا
كنت اتمشى مع وحده اعرفها هي مب ربيعه كثير بس عرفتها يوم كنت ادرس في الكليه
فجاءه شفنا مدرس من ايام الكليه
بالاصح انا شفته
يوم شافني امبسط لانه رجل طيب وجي
سلم علي وسولف معاي
هو عمره كبير وانسان طيب
بعدين راح
هي كانت رايحه الحمام يوم ردت خبرتها
انه هو شافني وسلم علي وجي
كانت ردت فعلها
يسلم عليكي انتي
انتي!
شو فيني انا!مافهمت
وحادثه ثانيه
كنت اخبر وحده تعتبر ربيعتي هاي المره
عن بعض البنات كانن يزورني وصديقاتي بس مستواهن عالي يعني بالنسبه لي ولها
فكانت صدمتها
بعد فلانه وفلانه يزوونك!
حتى يوم خبرتها عن علاماتي ايام المدرسه
انصدمت
غريبه شو الشي الغريب فيني انا
؟!
بس طبعا اكثر شي الحادثه الاولى ضايقتني!
ليش التوقعات الدونيه هذي!
يمكن هم لهم حق يمكن مايشوفوني شي كبير
بس شي يضايق
شعاع انتي كم عمرج ؟!!!!!!!!
عاد ام براق لازم الفضايح
يعني مازلنا في العشرين من العمر
بس متخرجه تقريبا من خمس سنوات مب من زمان
اغلب الربيعات العرفهن من ايام المدارس والجامعات
بشغل ماتعرفت على حد عشان كان كلهم رياييل! للاسف
بس شوي مصدومه من شي
لاني ماكنت اعرف من قبل الناس كيف تفكر فيني!
كنت افكر عادي
بس كل شوي حتى بعد ماخلصنا دراسه والشتغل اشتغل والتزوج تزوج اسمع تعليقات غريبه!
مره وحده تلاحقني تقولي فلانه قالت عنك فيكي وفيكي
مره ثانيه تقولي انتي ماتوقعناكي جي!
يعني مستغربه الاسلوب
احس في مشكله في مكان ما!
رغم اني زمان كنت احسن ماكان حد يهمني! بس يمكن عشان وقت الفراغ زاد عندي صرت افكر بكل كلمه تنقال عندي
او ماعندي خبره بالحياه اكثر مااعرف!
يمكن اتصور هم متعودين علي ساكته
زمان وعلى نيه هذا السبب
انا سالتج لان قلت كيف مانسيتي القصص شوفي انا بقولج شي اختي الغااااليه هذي الفئه من الناس ما تعطينهم اكبر من حجمهم ثاني شي اختي يمكن انتي تسولفين عن حياااااتج فالبنت اللي تصتصغرح يكون من كلااامج انتي لان انتي رسمتيلها انج كذا وكذا. انا ماعرف بس انا احلل. انا ماعرفج شعاااع بس انتي تحبين تتكلمين عن نفسج وهذا شي عاااادي. بس انتي تعرفين الناس همها الظااااهر. ممكن انتي قلتي شي وفهمو شي ثاااني. عموما غاليتي اللي يتكبر ع الناس انسان ناااقص. وبالمناسبه انتي انسانه جدن راقيه ف اسلوبج. وعندج معلومات ومثقفه وهاللي لاحظته. 
يعني لو قلتيلي نسبتج كانت ٩٩ عااادي بصدق. وبالتوفيق غاليتي
مشكوره اختي ام براق على الرد
يرفع المعنويات والله
بس للاسف انا نسبتي اقل من جي بكثييييييييييييييير هههههههههههه
يااختي كله بس جهاله
بس ماحب اسلوب
انتي
يعني شو فيني انا بس!
اليسمع يقول انهم ماشاء الله انكسر القالب من بعدهم!
بس انا مااتكلم عن نفسي معهن الا قليل بس المشكله اني صريحه
ممكن انتقد نفسي جدامهن! يعني اقول مدرستي مب ذاك الزود
شغلي عادي
او اضحك على نفسي
يمكن يعطيهن هذا الشعور عشان انا ماتكلمت عن نفسي بصوره عاليه قدامهن! بس شو يريدن مني اتكلم
يمكن عشان مسايره واضحك مع الجميع
وانا من النوع ماانسى شي ياثر فيني ! في ناس ينسون مع تقدم العمر
يمكن انا بعد انسى وارتاح هههههههه
شعاع
اعتقد عمرج 28 او 29
وانا مع كلام ام براق لا تهتمين فالتفاصيل خلاص الواحد يكبر على هالامور.. يمكن هيه ما استصغرتج يمكن غيرانه منج وما تعرفين انه نحن بزمن النفسيات !!!!!
فكري دوم فالشي الايجابي ولا تعطي لهالامور اكبر عن حجمها
حتى لو كنتي بنفس المستوى او اعلى عنهن بتم البعض منهن يستصغرنج او يعقن رمسه مالها داعي والهدف منها احباطج فانتي يا جبل ما يهزك ريح ولا تتضايقين او تحسين نفسج انج من كوكب ثاني سوي طااااااااااااف واكبر طاااااااااااااف
اختي لا تكترثي لهاي القصص ولا اكتر منها لان المهم انتي نصيحة مني لاتنتقدي حالك قدام اي حد لان يلي بقلل من قيمة حاله الناس بتشوفه قليل وبنفس الوقت لاتنغري يعني اهم شي لا تنتقدي حالك قدام حد نصيحة وخديها من اختك المجربة