السلام عليكم ورحمة الله وبركاته…
فديتكم بنتي عندها مقابلة في اكاديمية زايد يوم الاحد وفي الياسات يوم الاثنين المشكلة بنتي ما تكلم مع الغرب يعني يوم يسالونها ما بترد شوه اسوي ولما اكلمها تقول لي ماما انا ما بتكلم والمشكلة المدرسة ما بيقبولونها وهي ما تتكلم؟ شوه اسوي معاها.
الله يعين…وديها المدرسه قبل الموعد بساعه ونص…وخبريها إذا اتكلمت وجاوبت بتشتريلها أحلى هديه….والشاطر هو إللي يتكلم ويشارك …..والصراحه هذا مشكلتي مع اعيالي بنتي و ولدي وديتهم المدرسه قبل المقابله بكمن يوم ورويتهم المدرسه عسب ما يرتبكون من شي وخذنا جوله وسولفنا….ولما يكون موعد المقابله أسير ساعه قبل أو ساعتين….. ولله الحمد الأمور تمشي…..بنتي إللي كنت خايفه منها وايد سولفت واتفاعلت مع المدرسين وجاوبت ولله الحمد.
الله يوفقها 
مشكورات فديتكن ما قصرتن وبوديها المدرسة قبل الموعد بساعة وبنص وانا شاء الله بس يقبولونها…
اختي ما عليج امر وين مدرسة الياسات وبكم بالنسبه كي جي
مدرسات في اكاديمية زايد وايد حبوبات في مرة شفت معلمة اتسوي مقابلة مع بنت بتدخل الكي جي تمت المعلمة والبنت ابروحهم وتموا ايسولفون وع ماظن حتى تسالها عن الوان والارقام والحروف واخلتها تقره قصة قصيرة
هكلام من كم سنة بس ماعرف اذا بيسون نفس الشي ولا لاء
اذا حابة تساليني اي شي عن المدرسة طرشيلي ع الخاص واذا مشاركاتي تسمحلي اطرشلج ع الخاص بطرشلج واذا لا اهني عالعام
والسموحه