ما دري شو أقولكم بنتي مريضه من ثلاث أيام وهي فديتها بعدها صغيره عمرها سنه و6 شهور بس عنيده وايد ولما أريد أعطيها الأدويه ما ترضى تاخذها وتقعد تصارخ وترافس وتضربني ..ساعات من القهر الود ودي أصفعها بس والله ما تهون عليه وبنفس الوقت حالتها تكسر الخاطر مرشحه وتسعل ومسخنه وحالتها حالها شو أسوي وياها أنا وأبوها مش قادرين عليها حاولت أحايلها بكل الطرق بس من غير فايده ..
اللي عندها طريقه تنفع لا تبخل عليه ومشكورين على مروركم
اذا اهي تشرب عصير ولا حليب في ادوية جربي تخلطين وياهم بس بعد ما تسئلين الطبيب لان في ادوية ما في ضرر اذا تخلطينها بشوية حليب او عصير
وان شاء الله اكون أفدتج 
الله يعينج
بس في هالسن ما شي غير انج تجبرينها..
حاولت أعطيها باغصب بس من غير فايده لو صار وشربت شوي منه ترجعه على طول أووووف تعبت من التنظيف وراها
مثل ما قالن الخوات الي قبلي يا انج تخلطين مع عصير او حليب المحبوب اليه واذا ما نفع طيحيها على ظهرها وبالابرة املئي الدواء وامسكي ايدها وراسها بين ريولج عشان تثبت بالطول طيحيها تكون موازيه مع ريلج خلي ريولها ياي صوبج عشان اتجابلين ويها واظغطي بايدج على فمها اي ناحيةالفك عشان تفتح حلجها ودخلي طرف الابرة مال الدواء وعطيها شوي شوي ويوم بتشوفينها كانها بترجع صرخي بقوة عشان تلفتين انتباها والله يعافيها
اختيه اذا بنتج فيها بلغم يبي دبت ماي وخلطي وياه البان ماكل وشوي كركم وتمي زقيها منه على طول بينظف صدرها والله يعافيها
عطيها الدواء يالأبرة وحاولي تمسكي أيدها وتفتحي حلقها وصبي الدواء من طرف الشفاه حتى لا ترجعه والله يعافيه
لا تعطيها مع الحليب لأنه ممكن تعاف الحليب من طعمه غير يوم فيه دواء وبتتلعوزي الله يشفيها ويشفي عيالي