شخباركم ..
بغيت اسال كل كم ساعه لازم ارضــع البيبي … وشو رايـــكم بحليب سيميلاك…!!!!
واذا بغيت انضم رقاد بنتي شو لازم اسوي
اسئله كثيرة واتمنى مساعدتكم …
حليب سيملاك في غاازات ..
ليش ما تجربين حليب الماعز اليديد او نوفلاك واايد زينين انا استخدمهم لولدي مع انه اصغر بشوي عن ولدج…
..
سؤالج الثااني الله يسلمج …
لازم تعودين البيبي انه ين الصبح على الساعه 9 او 10 و تخلينه يلعب ساعتين الي 3 ساعات و ينام الظهر اقل شي 3 ساعات و بعدين ين العصر و يلعب شوي..قبل المغرب ينام نص ساعه و ين و يلعب لبعد صلاة العشاء و يناام طوول فترة الليل…
..و ان شاءالله اكون افدتج
ولدي عمره تقريبا شهرين بس يوم سألت الدكتوره عن الرضاعه قالت لي يرضع طبيعي من كل صدر عشر دقايق تقريبا وعقب ساعتين ونص او ثلاث ساعات يرضع مره ثانيه أو حتى صناعي
بس يوم يبدأ الياهل يكبر تخففين كميه الرضاعه لأنه يبدأ ياكل
الله يخليها لج ان شالله
فووق
فووووق
اختي بالنسبه للحليب ما اعرف و الله بس انا كنت اعطي بنتي نوفالاك و وايد زين و الحين اعطيها بيبيلاك اي سي بعد وايد اوكي ما يسوي غازات ..
بالنسبه للنوم .. لازم توعين بنتج الصبح .. يعني مب تخلين رقادها على كيفها .. مثل ما قالت اختي ام غريبه ^^
و في الليل لازم تعودينها على شي معين تعرف انه خلاص هي لازم تنام .. مثلا سبحيها بس لا تغسلين شعرها عن تاذ برد و الا شي .. و عقب رضعيها و صكي الليت و رقديها .. هي اصلا اوردي بعد السبوح بتنام ..
عوديها ان الليت دايما يكون مفتوح الا حزت الليل صكيه علشان تفرق بين النهار و الليل ..
و لو كنتي فاضيه و متفيجه خخخخخ قبل لا تسبحينها لعبيها و فركيها بزيت زيتون و الا زيت بيبي جونسون علشان ترتخي عضلاتها و يحلى النوم بعد السبوح ^^
فووووووووووووووووووووووق
سالفة الليت وايد مفيده
انا من اول يوم ولاده عودتها حزت الرقاد ظلااااااااااااام
والحمدلله ماتعذبني وايد
الله يتمم عليها