بنتي ما ترقد طول الليل يعني ترقد نص ساعة او ساعه واتنش وانا مهاعا طول الليل عمرها تسع شهور ما اعرف شو بلاها احس انها اتفز من رقادها ساعدوني جزاكم الله خير (( انا ارضعها طبيعي يمكن عشان متعوده ترضع )) حرام انا اسهر طول الليل واداوم الصبح افيدوني…
فديتها والله
اختي اما انها تكون يوعانه او انها تكون بردانه
حاولي في الليل تعطينها حليب مساعد وغطيها عدل
والسموحه
انا بعد اتوقع اليوع ايوعيها… عشيها زييييييييين.. لان البر بعد ايووع… وعطيها حليب مساعد غير حليبج يشبعها.. ولو في الحليب بسكووت زين بيشبعها وبتنام زين…
بس اذا كانت اتصيح دووم.. يمكن غازات او شي يعورها؟؟؟ الله يعينيج حبوبه.. بس لاتعودينها اول ماتقووم عطول تشلينها.. خليها شوي يمكن ترد وتنام
هلا أختي..
غطيها وقت الرقاد عدل لأنه الجو بارد.. وثاني شي يوم البنت بترقد اقري اقري عليها المعوذات 3 مرات مع آية الكرسي وانفخي عليها..
جزاكم الله الف خير
انا بنتي كانت جذيه حاولت اني انيمها وهي شبعانة وأغطيها عدل وأقرا عليها المعوذات والحين الحمدلله والشكر
فديتج حتى بنتيه عمرهاااااا سنه ونص ما ترقد