بنتي تحب ما اعرف شو اسوي

السلام عليكم ورحمة الله بركاته
هذي مشكلة صديقتي الي اعتبرها اختي , تقول بنتها عمرها 16 سنه ما تدري كيف بنتها حبت واحد عمرة 19 سنه وهي عمرها ما تطلع بدونها وكل معاها هي تشك ان وحدة من صديقاتها عرفتها عليه ، المهم ان هذي البنت متعلقة في الولد ووكم مرة صادتها تتكلم في التلفون وكم مرة نصحتها اول ما عرفت الام ضربتها ضرب لاكن البنت ما فادها وحاولت الام تكلمها عن المستقبل وتتقرب منها لاكن بدون فايدة حاولت تلبي كل طلباتها علشان تلتهي عنه ما في فايدة ولولد على حسب معلوماتها فاشل دراسيا وما يدرس ولا يشتغل وخايفه من بنتها تسوي شئ غلط لان هذا السن خطير سارت متعلقه فيه طول الوقت قاعدة بروحها وسرحانه وماتاكل والبنت قابلة الولد عند باب البيت مرة وصادتها الشغاله, وصديقتي تخاف يقص عليها ما تعرف شو تسوي وبصراحة ما عندي حل لمشكلتها الله يخليكم اصحاب الخبرة ارجوكم ردو عليها بسرعه الله يخليكم

لا اله الا انت سبحانك اني كنت من الظالمين

سبحان الله وبحمده

لا اله الا الله محمد رسول الله

خلها تجاري البنت لان العند مو زين مع ها السن
ها السن تبا البنت يكون لها شخصيتها
البنت الحين طبت في هالمشكله
و لعلاج المشكله لابد من السياسه في التعامل ويا البنت
خل تتكلم وياها بهدوء تعرف شو علاقتها بالولد لوين وصلت العلاقه
و تقولها اوكي ما في مشكله بس هو شو يبا منج شو مراده اذا مراده خير خل نسير نقابله و ننتحدث و ياه
بس لاتخبرينه انج بتقابلينه حتى ما يكون محضر نفسه و يرد على طبيعته جدام البنت و يبان على حقيقته
ساعتها البنت بتاخذ موقف منه لان بتعرف ان هدفه سئ
و اياج و العناد و الضرب ويا البنت في ها السن لان بيزيدها اصرار و تمسك بالولد
الله يطمن قلبكم عليها و ان شاء الله تنحل

اختي تجلس مع بنتها جلسه ام محبه لبنتاها وناصحة

والله يعينها .,

صح خل تجاريها لان هذا السن سن حرج وخل الام تغمر بنتها بالحب والحنان لان المراهق يحتاج يحس بهذه الاحاسيس

اذا حاولت تنفرها راح تزيد المشكلة لازم تكسب بنتها على شان البنت تتقبل نصايح امها