شحالكم سيداتي عساكم بخير و سهاله …
مب عارفه من وين ابدا انا بكتب المشاكل اللي فيني واتمنى اشوف التجاوب و الردود منكم لاني مب عارفه وين ادق ببراسي ….
سيداتي انا عرسي بعد 5 اشهر وعندي مشاكل :::
أول مشكله :: يظهر لي شعر بويهي وشعر جسمي من النوعيه الكثيف والظروف ما تساعد اني اسوي ليزر فأحف المنطقه بخيط بس اللي لاحظته ان المنطقه ترهلت فاستخدمت خلطه النشا +ماي الورد + الماي واحطه فويهي يوم هيه يوم لا , واحط خلطه الروب والعسل باليوم اللي ما اسوي فيه نشا اسوي روب وعسل …. اللي عندها حل عسب هالمشكله تشاركني باحلوول…
ثاني مشكله :: مشكله اسمرار بين الفخذين وعندي نفس اثار الحبوب ، استخدم سنفره الزيت زيتون و الشكر كل يوم استخدمها وافرك بهالليفه المغربيه .. بس مالاحظت في تقدم اللي عندها حل تشاركني …
ثالث مشكله :: حف المنطقه الحساسه انا استخدم الموس و النشا ، بس لازم اتعود ع الحلاوه ع الاقل لو من فوق بس ، وخايفه استخدم الحلاوه بدون تخدير قريت عن كريم املا بس مب عارفه وين احصله فراك و قريت عن كريم الفيسودين ها اونه زين للاحمرار وانه يمنع ظهور الحبوب لان بشرتي حساسه … فاللي جربت او عندها خلفيه عن الموضوع فبليز فبليز ساعدوني
رابع مشكله و الاخيرة شعري وايد يحت قريت عن زيت هيمتاج الهندي بس ما جربته فبليزاللي تعرف عنه او وين اقدر احصله فراك تساعدني
ادري ان مشاكلي واااايد بس والله تعبت من التفكير ساعدوني الله يستر عليكم وعلينا دنيا واخره يارب …
اترقب ردودكم ….
ومشكورات مقدما وهاي الورده لكل وحده ترد ع موضوعي.gif "12 (97)")
وعليكم السلام أختي
بالنسبة لمشكلة بين الفخذين جربي كريم فازلين لتوحيد لون البشرة ادهنيه بعد الاستحمام والبسي شورت قطن وبتشوفين الفرق والله يتمم لك على خير
شعرج بقول لج شو تسوين
فالاسبوع سوي ماسك العسل مع زيت الزيتون رهيب
و ادهنيه بخلطة من الزيوت
بالنسبة للشعر سوي ليزر فيه وايد مراكز بالتقسيط و اماكن يسوون خصومات
الله يتمم لج ع خير اختي … ماشاء الله عندج وقت… انا وايد استانس لما اشوووف الوحده تهتم بمشاكل بشرتها وجسمها قبل فتره كافيه من العرس…
فيه عرايس الله يسعدهن يحاولن يعدلن ف وقت ضيق شهر او اقل…
انتي عندج وقت ماشاء الله .. والحلو انج حددتي شو تبين بالضبط وبديتي تطبقين خلطات …
الله يوفقج
حق الاسمرار استخدمي خلطة الليمون والجلسرين أو الليمون وكريم جليسوليد .. وممكن تستخدمينها حق الجسم كله عشان يتوحد اللون .. وغلك إنج تفركين السواد وايد .. ما ينفع ..
موفقة
الله يتمم لج على خير وبالبركة
1يظهر لي شعر بويهي وشعر جسمي من النوعيه الكثيف
ويهج شقريه والجسم الحلاوة او ماكينة براون
2مشكله اسمرار بين الفخذين وعندي نفس اثار الحبوب
جسمج خذي مجموعة الشيا من بودي شوب تقشير وترطيب واهم شي الترطيب ولاتفركين بقو لان الاحمرار بينجلب سواد مع الوقت كوني رقيقية
وملابسج لازم تكون قطنية والمنطقة لازم تحافظين على جفافها
3حف المنطقه الحساسه
اذا حابه تستخدمين الحلاوة خذي قطعة صغيرة والشعر ما يكون طويل عشان ما يزيد الالم وشلي مساحة صغيرة لاتمدينها وايد وحطي بودرة عشان ما تلصق فالجلد
وبالتوفيق ان شاء الله