بنات خاطري اتعلم الفالوده الشيرازيه ذقتها في مطعم وخاطري اجربها للريلي هيه مكوناتها ماء ورد وشعيريه بيضاء وسكر بس اتقول ايس كريم جنااااااااااان ساعدني
حرررررررررررررام ولا وحده ردت خلاص زعلت منكن
بصراحه اول مرة اسمع عنها وانشا الله البنات بيساعدنش
بصراحة لو أعرف مكوناتها جان عطيتج أنا برووحي ذقتها الفالووودة شرات ايسكريم وحلوووة وايد يعن يتصلح حق رمضان بالليل لكن أتمنى أخوات بيفيدينج
هلا الغاليه انا عندي مقاديره ودايما اسويه فالبيت و يتحرونه من المطعم…
اولا…تخلطين نص لتر ماء مع 2كوب سكر لي ما يذوب السكر عدل بعدين تضيفين ربع كوب ماء ورد وتخلطينه واتحطينه بالفريزر ساعتين و نص
ثانيا…اشتري البلاليط اللي لونه ابيض ما الصينيين كيس واحد وكسري مثل البلاليط وفوري لمدة 10 دقايق او اقل وبعدين اشخليه و صبي عليهه ماء بارد … وبعدين حطيه في ماء بارد ويستحسن يكون فيه ثلج لمدة دقيقتين واشخليه مره ثانيه
ثالثا…طلعي خليط الماء من الفريزر وحطي عليه البلاليط ومكسي عدل وبعدين حطي بالفريزر لمدة ساعه و نص او ساعتين
وبالعافيه
انا بقولج كيف طريقتي :
أول شيء المقادير:
-كيس بلاليط (أبيض)
-فستق مطحون
-وكريمه
-جلي بودرة احمر
طريقة الاستعمال :
أول شيء سخني الماي مع اضافة سكر وماء الورد قليلاً
كسري البلاليط وحطيه في الجدر تقريباً 10 دقايق
اشخليه واسكبي عليه الجلي البودره شوي لين يستوي لونه وردي فاتح وخلطيه
بعدين جهزي الطبق
أول طبقة طبعاً البلاليط
وانتي على كيفج اترومين تتحكمين فالطبقات
بعدين كريمه بعدين بلاليط
وبعدين كريمه في الوسط مع رشة فستق مطحون والطعم ياسلام وتترك فالثلاجه لين مايبرد 
الطريقه الثانيه
في الطبقات
بلاليييييط
فواكه مشكله كريمه فستق
يعني في واايد وصفات انتي وذووقج