مرحبا بنات بغيت مساعدتكن عشاني وعشان اللي يبا يستفيد من الخوات
عرس عمي جريب بغيت أخيط فستان بس ماريد مصمم أريد أسم خياط يضبط خياطة الفساتين وأنا بيب له الموديل يعني يكون شغله دقيق و نظيف ويكون في بوظبي ويزاها الله خير اللي بتساعدني
إنشاء الله البنات يفيدونج
ياريت لو كنت أعرف فبوظبي لكن إذا تبين فدبي من عيوني
تحياتي
للرفع
هلا اختي
انا خالتي في بوظبي وكانت تمدح خياطه لبنانيه
تقول انها تخيط فساتين روووعه على 700
بسئلها اذا عندها رقم او عنوان وبطرشه لج اذا حبيتي؟؟
,
,
,
واذا قدرتي تين دبي
فيه خياطه في منطقة السطوه اسم الخياط المحرق
وفيه خياطه اندونيسيه بس شو تضبط مشاء الله؟؟
انا مره سويت عندها فستان كان عباره عن تنوره وقميص بس طلعته شي وفخم ولبسته في عرس الشيوخ وكان على 450 درهم والقطعه ب 200
بس اكيد زادن الاسعار الحين
انا ادور خياييط فبوظبي بعد .. بليز اللي تعرف تفيدنا ^^
خياط جوري في الخالديه
روعة بلادي تسلم عيونج ما تقصرين
حزينة المساء مشكورة عالرفع الله يرفع شأنج