بنات انا ييني بعد الولاده امسااااااااك رهيب مره بالاسبوع اسير الحمام عزكم الله ولا بعد كني يالسه اولد بصريخ والاام ودم الله لايراويكم منو عانت نفسي وعالجت؟؟؟؟؟؟؟؟؟؟؟؟
ويتساقط شعري بعد 3شهور من الحمل بشكل ررررررهيب لدرجه اني اتصلع من جدام شو تنصحوني اسير للدكتوره واي عياده تنصحوني بلييييييييييييييييز لاتبخلن علي عياده حكومه او خاصه وتكون مجربه صج
الولاده تتطلع من عيني واااايد اشياء مرت علي بس الحمدلله
عن الامساك حاولي يوميا الصبح على الريق تشربين كوب ماي دافي واذوبين فيه ملعقة عسل طبيعي وكلي خضره وفواكه لانها غنية بالالياف وكثري من السوائل أما بالنسبة للشعر ماعندي فكره الله يعافيج
هلا اختي الشعر عادي اونه يقولون الياهل يبدا يعرف امه انا نفس الشي يصير لي…اما عن الامساك فهالشي عادي لانج ترضعين والسوائل تطلع فلازم تعوضينها بالياف فواكه خضروات وعصاير….وماتشوفين شر
روحي العياده احسن
راجعي العياده وماتشوفين شر
شربي عصير برتقال على الريج… ولا اشتري عصير لاكنور برتقال واشربيه هو صح مر بس يمشي البطن انا يوم اييني امساك اشربه والحمدلله اموري ماشيه…
الله يعينج ويسهل امورج…
حبوبه في دوا للامساك طعمه عسل وغرشته بيضا خذيه من الصيدليه وبالنسبه للشعر يمكن نقص فيتامينات راجعي العياده