بنات الي في الكليه والجامعه شو تستخدمون ؟

بنات شحالكم .. شخباركم ..؟

طرحت الموضوع عشان الكل يستفيد …

خاصة نحن الي اول سنه بندخل كليه او الي بتدخل جامعه .. الله يوفق الجميع

المهم ممكن بعد الماكيرات يساعدونا .. يزاكم الله خير

طبعاً نبا شي خفيف لان تعرفون مب حلو يوم يكون دفش ومب طبيعي

المهم ببداء : …

شو تستخدمين بودره .. ولا كريم اساس ..؟
مرة جييه ومرة جييه بس اكثر شيء بودرة
اي نوع تستخدمون .. لاني اتسخدم بدي شوب .. ؟ بس ابغي اغير
الكريم اساس استخدم ميكاب فوريفر hd وبعد ريفلون photoready وبعد ميبليين الميبيليين استخدمتها كورس كامل ما حسس ويهي ولا جف ولا ياه شيء رهييبة بس مشكلتها الالوان مالتها انا عن نفسي على لون بشرتية ما حصلت لون فخت اغمج بدرجة مع بودرة افتح بدرجة طلع اللون مضبوط الميكاب فوريفر والريفلون موجوده كل الدرجات وكلهم رهيبييب اذا تحبين بشرتج تكون صافية ومخملية وناعمه مثل البيبي ومش ثقيلة انصحج فيهم اذا تحبين ويهج يلمع كانه ماي مش قلتر يعني البشرة اللي كانها مرتوية من الماي انصحج بريفلون اما اذا تبين بشره مافيها لمعه تكون مات فانصحج بفوريفر مع العلم ان ريفلون وفوريفر نفس الكواليتي بالضبط اللهم الفرق ان ريفلون بلمعه وفوريفر بدون لمعه سعر فوريفر 160 وريفلون 85 اختاري الاحسن بالنسبة لج اما البودرة بلا منازع ماك بسعر 140 تقريبا
شو اتحسين يعني اوكيه حق الكليه .. ؟ ويكون خفيف وطبيعي ..
حق الجامعه بشكل عام في ايام الحر ماشيء احلى عن البودرة لانها ما تخلي الويه يعرق ويسيح وحالته للله اما الشتاء فالفاونديشن حلوو مع لمسة من اللوز باودر للتثبين
واي لون ارواج تستخدمين ؟ >> من وين
البينك البطيخي المشمشي الفوشيا الاحمر طبعا اخر ثنين نادرا مب دايما وقلوسات وكلهم من ماك
وبلشر اي لون تستخدمين ؟
البلشر مشمشي او بينك من ماك ومرات استغني عنهن واحط اضائة الخد من برستيج في سنتربوينت
والي عندها اي اضافة عاادي تتفضل وتطرحها اي شي يخص المكياج حطي هني

بالنسبة طبعا للوك انصحج انج ما تكثرين من الكحل وايد فوق العين لان حر الجامعه يخلي العين تحسس واذا تبين تستخدمين لازم تاخذين شيء يكون كواليتي وايد عالي وماركة ممتازة وللكحل الاسود الكريمي عند ماك وعند ميبيليين بس ماك افضل واذا سواده ما عجبج حطي فوقه شدوو اسود خفيف من جدام بس اهم شيء تهتمييين بنضافه بشرتج من ناحية الترطيب والتنظيف والسكرابات واحلى سكراب السكر وزيت الزيتوون من البيت خالي من المواد الكيماوية والافضل من ناحيتيه ستيفنز من الجمعيه وهيه بعد واقي من الشمس واهتمي بايدج لانج بتعانين من سواد الايد فدوريلج حل من الحين والاهتمام والاهتمام والاهتمام عليج فييه والمكياج اونلي طريقة لابراز الجمال فاهتمي ببشرتج اكثر عن المكياج لان اذا بشرتج مب حلوه المكياج ما بيطلع حلووو ومبروووك قدومج للكلية او الجامعه

لان في زوار بعد يشوفون … المهم الي تبا اتجاوب على الاسئلة براحتها

والي ماتبا بس اباكم قبل لا تطلعون دعوه حلوة مب رفع عشان اتحصلين اجر كل

الي يقرا ^^