السلام عليكم ورحمة الله وبركاته
حياكم الله خواتي الكريمات
ان شاء الله اختي ناوية تاخذ الليسن .. وتبغي تتدرب في مدرسة لتعليم قيادة السيارات في العين … شو أفضل مدرسة للتعليم وطبعا تكون نسائية ؟
وكم سعر التدريب يكون ؟ وشو النظام المتبع فيها بالضبط ؟
وهل نفتح لها ملف أول في الشرطة وعقب نقدم للتدريب في مدرسة التعليم ؟
وكم الرسوم المطلوبة ؟
ويزاكم الله خير
اول شي اختي تسيرين المرور وتفتحين ملف وبعدها بيظهرولج بطاقه تدريب بنفس اليوم
بالنسبه للمدربات من تجربه ابتعدي عن العربيات تراهن مايدربن بأمانه وطول الوقت بتلاقيها ترمس بالموبايل
جربي فلبينات او باكستانيات
في وحده الكل مدحها اسمها ليلى فلبينيه بس مااذكر شو اسم المدرسه
المشاركة الأصلية كتبت بواسطة Amore 
بالنسبه للمدربات من تجربه ابتعدي عن العربيات تراهن مايدربن بأمانه وطول الوقت بتلاقيها ترمس بالموبايل
جربي فلبينات او باكستانيات
في وحده الكل مدحها اسمها ليلى فلبينيه بس مااذكر شو اسم المدرسه
مشكورة الغالية على الرد السريع
انا سمعت بعد الحريم ما يمدحونهن في تعليم السواقة
خسارة ما تعرفين اسم الفلبينية هاي ….يالله ما عليه
يزاج الله خير الغالية
اتمنى بنات المنتدى اذا حد فيهن يعرف عن الموضوع يرد علي
المشاركة الأصلية كتبت بواسطة Amore بالنسبه للمدربات من تجربه ابتعدي عن العربيات تراهن مايدربن بأمانه وطول الوقت بتلاقيها ترمس بالموبايل
جربي فلبينات او باكستانيات
في وحده الكل مدحها اسمها ليلى فلبينيه بس مااذكر شو اسم المدرسه
أعتقد مدرسة أروى
وان شاء الله انا بعد بدرب وياها…
انا صار لي اسبوع مضهره الليسن ….وكنت اتدرب عند وحدة عربيه بس ما تنفع حسيتها تاكل من وقتي وايد……
اعرف وحدة باكستانيه فنانه ما شاء الله عليها اسمها حمزات تبين رقمها؟؟؟؟؟عالخاص
روح الحب
مشكورة اختي على مرورج واضافتج
بس ما في غير مدرسة أروى للتعليم في العين ؟
لأني سمعت فيها بعد وهي من زمان موجودة كانت اظن في مكان وعقب نقلوها …. وين صار مكانها بالضبط ؟
ويزاج الله خير
المشاركة الأصلية كتبت بواسطة um-ملاك اعرف وحدة باكستانيه فنانه ما شاء الله عليها اسمها حمزات تبين رقمها؟؟؟؟؟عالخاص
هالباكستانية في مدرسة أروى تعلم ؟ وكم ياخذون ؟
طرشي لي رقمها على الخاص الغالية
ويزاج الله خير