السلام عليكم
شحالكن ً … بغيت مساَعدِه لربيعتيَ
تسأل احسن صالون لقص الشعر وصبغته
وتبا اتشقر ويها اصراحه تبا تفاجأ ريلها
بيرجع من السفر بعد فتره وتقولي انا من تزوجت
ولا مره غيرت من شكلي جدام ريلي ما اهتم
والحين ابا افاجأه بتغيير ملحوظ وعلى فكره تبا
صالون اسعاره معقوله الحرمه اخر الشهر حليلها
امفلسه وياليت اتساعدنها الي عندها خبره والا سامعه
عن صالون يصبغ ويقص الشعر ويشقر زين تخبرنا
وشو اسم العاملات الي فيه زين وبغينا بعد نصايحكن
لربيعتي شو تسوي عشان اتغير من شكلها
حرام ارفعن الموضوع لانها قاعده كل مره تسالني وتريا
الجواب يله بنات الشارجه ودبي ننتظر ردودكن الطيبه
لللللللللللرفع مع اني من راك و ابوظبي
للرفع ، تقص شعرها في الصالون وتصبغ صبغ البيت خفيف احسن من الصالون، وتتحنى في الصالون . مااعرف شو احسن صالون في هالسوالف.
امممممممممم قطر الندى حق الصبغ & القص & التشقير ^^
بس بعد شوفي باقي البنات شو رايهم
هلا الغلا روحي صالون سكر حديد مدري وين بضبط بس فشارجة مدري حلوان ولا شهباء ولا سمنان بس قصهم وايد حلو وصبغهم بعدب350فهلحدودوانشاللة بعدحد يدليج مكان ثاني وسموحة انا اقول تسوي حمام مغربي بعدخخخخخخخ تروح مراسم لمغربي عندهم مريح حلو وشكرااااا
القص والصبغ :
– سكر حديد ف( حلوان )
– اللبناني الفرنسي ف ( مويلح ) طريق الجامعه ومعسكر فلاح .
التشقير:
يمدحون صالون لانكوم ( سمنان )
ويبالها تسير لاسنزا ونعومي تاخذ لها لانجري وتنوع .
خاصه هالفتره عندهم سيل .
وتآخذ لها بناطلين وبديات .. مع اكسوارات .
ولو ما عندها ميزانيه مول يعني داقه الحديده على قولتهم .
خليها تسير ( مهرجان عيمان )
والله اني شايفه فيه محل يبيع بديهات رهيبه واغلبها من ( نيولوك ) ع 35 و 40
وعنده جنزات حلوه بعد
وخل تاخذ لها دريسات ناعمه ..
وخليها تتحنىحنا غاوي ..
عندج وااايد صوالين فالشارجه :
احلام . قطر الندى . ……. الخ
واا فخاطرها نقش القصيد .. حياها عندي .. موووووووووووووول ( مب دعايه )
والله يسعدها ويا ريلها ..
والله يرد لي ريلي بالسلامه
واي استفسار انا حاضره