شلونكم بنااات؟؟
فى موضوع بكلمكم فيه يمكن نطرح من قبل ما ادري…
سالفه الاصل
كلنا بنات ناس و كل واحد له اصله…
بس انا لاحظت شغله لما وحده تكتب موضوع عن زواج وانه ما يبون من هل اصل او هل اصل..
اذا كانت محافظه على اسلوب الرقي بالحوار ليش تهبون فيها.gif "12 (29)")
؟؟ (طبعا اقصد البعض)
ترى الموضوع مو بس اصل( البيئه تختلف والعادات و التقاليد) لاحظوا هل شي الي نفس اصلكم تحسونهم نفسكم والي لا تحسون جنكم تعرفون على ناس يدد و تنقدون على شغلات وايد و تستغربون منها!!
انا لاحظت هل شي من رفيجاتي بالمدرسه وراها بالجامعه واكثر شي بالدوام!!
واختلاف البيئه و العادات و التقاليد له تأثير كبير ويسوى مشاكل من ولا شي و الانسان فى غنى عنها…
انا زوجي من نفس اصلي و يوم تزوجنا احس اني طلعت من بيت اهلي دشيت بيت اهلي مره ثانيه نفس اسلوب الحياه نفس العادات والتقاليد و نفس اسلوب الكلام.. (الحمدلله و ماشاء الله )
كلنا بنات ناس و كل واحد يفتخر بأصله..
و اخر شي بقولكم قصه صارتلي
(قبل ما تزوج اخو رفيجتي تقدملي اهلي ما وافقوا.. رفيجتي تهاوشت معاي وقالتلي يعني انتو عيال ناس واحنا لا!!! و ما رديت عليها و قطعتني فتره وراها ردت
بعد سنين دقت علي تسألني اذا اعرف بنات حق زواج حق نفس الاخو كل ما اذكر اسم وحده تقول فيها عيب يا اصل يا شهاده و غيره و غيره)
سبحان الله 
و مشكورين
عادي فديتج هذا يدل على تفكير هالشخص .. انا لي وجهة نظر في هالموضوع يمكن ماتعجب الاغلبية
بس انا مقتنعه انه ماافي حد من الامارات اصل ولو رجعنا لكتب التاريخ الامارات ماكانت موجوده في زمن الرسول عليه الصلاة والسلام .. بس كانت موجوده بعض من المناطق الشمالية وكانو يسمونها سواحل عمان !!
ومع هذا تشوفين الناس اصل واصل واصل .. بس شو تقولين .. وانا ربيعاتي اغلبهن جي في البداية قمت ارد عليهن ويزعلن اذا قلت الصدق بس الحينة يوم يقوولون شي اضحك في ويهم واسكت لانه كل واحد واثق من نفسه ..
دام اني انتمي لأمة محمد هذا اكبر فخر ليي بغض النظر منو انا وشو من الاصول ..
ربي يحفظج يارب ..
ربي يسخرلج ريلج ويوفقكم لكل خير
وشي عادي ان الانســـان يحاول ياخذ دوم الانسان الي قريب من تفكيره ووعيه لإن هذا الشي يسهل عليهم وايد اشياء في حياتهم
لكن ما يمنع ان الاصل والفصل مب هو ميزان الحكم على الناس ^_* !
مرات حد من نفس قبيلتج أو أهلج ,, لكن سبحان الله انتي تفكرين شرق وهم يفكرون غرب
عشـــان جي دينا الحكيم جمع بينا أجمعين
ومافرق بينا الا بالتقوى والايمان
اذا الواحدة ملتزمـة وتعرف ربها عدل ,, وتقدم لها ريــــال ملتزم ويعرف ربه عدل
اذا تجمعهم نفس اللغــة حتى لو كان ياباني ما أحس بيكون فيه اشكال
وربي يسخرلنا أزواجنا ويوفقنا لكل خير
المشاركة الأصلية كتبت بواسطة بنت المزروعي 
بس انا مقتنعه انه ماافي حد من الامارات اصل ولو رجعنا لكتب التاريخ الامارات ماكانت موجوده في زمن الرسول عليه الصلاة والسلام .. بس كانت موجوده بعض من المناطق الشمالية وكانو يسمونها سواحل عمان !!
ومع هذا تشوفين الناس اصل واصل واصل .. بس شو تقولين .. وانا ربيعاتي اغلبهن جي في البداية قمت ارد عليهن ويزعلن اذا قلت الصدق بس الحينة يوم يقوولون شي اضحك في ويهم واسكت لانه كل واحد واثق من نفسه ..
دام اني انتمي لأمة محمد هذا اكبر فخر ليي بغض النظر منو انا وشو من الاصول ..
ربي يحفظج يارب ..
ماا أنكر اني أعرف نااس متعصبين لاصلهم بس هاا
ماايمنع انه الاسااس في الزوااج اخلاق الزوجين ودينهم 00وبالاخير القسمه والنصيب
وكل شي بأييد الله
الله يسعدج حبوبة
ترى عادي ما فيها شيء — يعني بصراحه انا اعرف ناس ما يرضون يزوجون عيالهم من بلوش او عيم لان ما يبون الانساب تتداخل مع بعض — ومن حقهم هالشيء — و سبحان الله في ناس عادي عندهم و الدليل وحده اعرفها بلوشيه و تزوجها واحد نقبي مع انه اهلها قالوا الاولى انه ياخذها بلوشي لكن نصيبها تتزوج من النقبي === سبحانك اللهم و بحمدك – أشهد أن لا اله الا انت أستغفرك و أتوب اليك
كله قسمة ونصيب
وارادة رب العالمين فوق اي شي