السلام عليكم ورحمة الله وبركاته
الغاليات اختي تدرس في تقنية الشارجة وما باقيلها غير 6 شهور وتتخرج ان شاء الله ومتقدملها واحد ويبا يعرس بسرعة وهي مب طايعة تبا تكمل دراستها وتتخرج لانها تعبت واااايد
فحبيت اسأل الي تعرف او الي دارسة في الكلية عادي لو البنت اتعرس والسنة الياية اتكمل
الله يخليكم ساعدوني بغيت رد بسرعة
ونصيحتي لها تكمل الدراسـة لإن ماتم شي 
تعرس وفي نفس الوقت تخلص
خبروهم انه مب باقي شي عن لا تخلص البنت اكيد ما بيقولون لا ان شاء الله
وموفقه ان شاء الله
اهم شي دراستها لاحقه عالعرس
لا تفكر انها توقف و تقول بكمل السنه اليايه لان الحين السستم في الكليه كل سنه يتغير
و شي بنات وايد اعرفهم وقفو و يوم بغو يردون بس خلوهم يعبون ورقة اعادة الالتحاق و سكتوهم فيها
لان الاولوية حق الدفعات اليديده اما بنات الدفعات القديمه لين ما يلاقون لهم مكان يحطونهم
يعني عقب ما الوحده توقف لا تضمن انها ترجع متى ما بغت
خلوها تكمل ولو الولد صدق يباها بيصبر..
اختي اهم شي للبنت شهادتها حتى لو بقت لها ماده وحده ماتعرس الا وهي ماخذه شهادتها وبعدين لا تظمنين الظروف ممكن توقف وتعرس وبعدين ما تقدر اتكمل دراستها والله يسر امرها ويسعدها ان شاءاالله
هي والله اهم شي الشهاادة
عقب يستوي كل شي
وبعدين هو بيعرس خلاال هالست شهوور؟؟
اكييد بين الملجه والعرس فتره اكسبوا هالفترة
يعني خل تملج وقولو لهم من تخلص عطول العرس
والله يوفقها ان شاء الله
ويرزقني ويرزق كل بنت ان شاء الله