اسعال مب اسهال لوووول
والله بنات لا عت جبدي من عمري
يتني من اسبوع حراره وكحه وتعب وصداع
الحين الحمدالله كل الاعراض راحت وافتكيت
بس باقيه الكحه
خصوصا بالليل ما اقدر انام منها وان طلعت من البيت تزيد
افتشل اسير مكان
يربت الزنجبيل والزعتر والعسل والكركم وحتى الحلبه
جان عندكم دوا اعشاب مب كيماويات خبروني عنه بليييز
الله يشافيج الغاليه ما تشوفين شر
هذي الكحه وسوالفها ما تخلي الواحد ينام ولا يرتاح
والله حاسه بمعاناتج لأني من شهرين عانيت من هذي الكحه
وجربت كل الاعشاب بلا فايده …….
بحاول اسأل وبخبرج
الله يشفيج يا اختي
الزنجبيل على الريج وايد زيد يطرد البلغم
و اسمحيلي ما عندي شئ ثاني لاني انا روحي اعاني من الكحه من فتره طويل
و السموحه منج اختي
فديتكم والله تسلمون حبايبي
الحمدالله الكحه جافه ما فيها بلغم
بس احس ضلوعي تعورني منها
الله يعافيني ويعافيكم ويعافي جميع المسلمين يارب
الغاليه
روحي لاقرب عطار ممتاز وقولي له ابا لبان ذكر (( لبــــــــــــــان ذكـــــــــر )) اوكي
وكركم عروق يعني كركم طبيعي ..
خذي شويه من الكركم ودقيه لانه قوي ما ينطحن وعقب ما تدقينه طحنيه .. بعدين هاتي غرشة ماي
صحه صغيره وصبيها في قدر نظيف او ابريق + الكركم + اللبان (( ملقعه طعام ))
وخليه يثور شويه 5 دقايق او 7
وبعدين خليه يبرد وصبيه بنفس الغرشه ..
وشربيه 3 مرات باليوم
مره عالريق
ومره الظهر
ومره قبل النوم
وان شا الله يقطع الكحه نهااااااااااااائي
والف لاباس عليج …
زادعيلي اذا فادج يالغاليه
(( على فكره اذا ما تبين تثورينه .. ودنيه عالاقل نص يوم )))
المشاركة الأصلية كتبت بواسطة وغلاة قلبي 
روحي لاقرب عطار ممتاز وقولي له ابا لبان ذكر (( لبــــــــــــــان ذكـــــــــر )) اوكي
وكركم عروق يعني كركم طبيعي ..
خذي شويه من الكركم ودقيه لانه قوي ما ينطحن وعقب ما تدقينه طحنيه .. بعدين هاتي غرشة ماي
صحه صغيره وصبيها في قدر نظيف او ابريق + الكركم + اللبان (( ملقعه طعام ))
وخليه يثور شويه 5 دقايق او 7
وبعدين خليه يبرد وصبيه بنفس الغرشه ..
وشربيه 3 مرات باليوم
مره عالريق
ومره الظهر
ومره قبل النوم
وان شا الله يقطع الكحه نهااااااااااااائي
والف لاباس عليج …
زادعيلي اذا فادج يالغاليه
(( على فكره اذا ما تبين تثورينه .. ودنيه عالاقل نص يوم )))
شو اقول لج يالغاليه
هذيه الغرشه عدالي وادردع منها مسوتنها امايه فديتها
ولا فيها فايده
مشكوره يالغاليه اظن اجسامنا خلاص خذت على الكيماوي من جذيه الدوا الطبيعي ما يفيد فينا:1 (36):
الله يشافيك والله جاني نفس الكحه وصار كل شي في جسمي يتعبني
الين استعملت بصل مع عسل والحمد لله ارتحت
طريقته اني انقع البصل بالعسل ليله واصير اكل كل يوم ملعقه
الطعم مرره مو حلو بس الدواء لازم نتحمله