بغيت أتشاور وياكن بخصوص موضوع وايد مؤرقني وأتمنى من إلي عندها خبرة في الحياة ترشدني للصواب….
أنا جامعية متخرجة أكثر من 10 سنوات ..و ما لقيت الوظيفة الي تناسبني للحين بحكم تخصصي و بحكم الإلتزام….و متزوجة في سن متأخر شوي و الله ما رزقني بالعيال ( الحمد لله على كل حال ) و أنا ما ألتقي وياه إلا مره او مرتين كل اسبوع وهالشي محسسني بالملل….وخاطري أتوظف
وزوجي مب مقتنع بالوظيفة من البداية لانه عنده شوية تحفظات رغم إني طبعا حاولت اقنعة بوظيفة في المجال التربوي و بعد محاولات كثيرة اقتنع فيها أخيرا وبشروووووط ،، لكن ما صار لي تعيين..ولقيت لي وظيفة في واحد من المصارف الإسلامية…
الحين ابغي أفاتحه في موضوع هالوظيفة وخايفة وااااايد رغم إنها فرصة ما تتعوض بالنسبة لي خصوصا إني متخرجة من أكثر من 10 سنوات ومثل ما تعرفون ان وظيفة المصارف دوامهم طويل و يوم السبت بعد دوام
يالله خواتي…. شدن الهمة و بغيت مشورتكن فلا تبخلن عليه
الله يوفقج حبيت ارفع الموضوع
ما عندي فكره بالتعامل
بس الله يوفقج واستخيري وتوكلي على الله وشاوريه
وتأكدي مهما صار انج تقولن
الحمد لله على كل حال
وعساه خير من رب العالمين ^__^
اللهم ان في تدبيرك مايغني عن الحيل , وفي كرمك ماهم فوق الأمل
وفي حلمك مايسد الخلل ,وفي عفوك مايمحو الزلل
اللهم فبقوة تدبيرك وعظيم عفوك وسعة حلمك وفيض كرمك
اسألك ان تديرني بأحسن التدابير وتلطف بي وتنجيني مما يخيفني
ويهمني
اللهم لا أضام وانت حسبي ولا أفتقر وأنت ربي ,
فأصلح لي شأني كله ولا تكلني الى نفسي
طرفة عين ولا حول ولاقوة الابك
اللهم صل وسلم وبارك على سيدنا محمد وعلى اله وصحبه
الله يوفقج
بس اختي لا تلومين الريال يوم ما يخليج لان من الي يشوفونه بر
وانتي قلتي ان مرتين فالاسبوع تشوفينه والبنك يوم السبت يداومون أكيد بيرفض
مادام اقتنع في المجال التربوي حاولي ادورين فيه
بالهدااوه اختي كل شي يستوي…
الله يوفقج الغاليه