هلا حبوبات
إشحالكن؟؟
خواتي أنا حابة
أسوي عشاء وأعزم ربيعاتي وخاطري أنه يكون على شكل بوفيه مرتب
والأكل روعة بس محتارة من أي مطعم أطلب وإذا تعرفون حد يسوي شغل بيت من أكل
(محاشي , سويتات )
بس مترددة ومحتارة من أمر
من ناحية أعزم أم ريلي وحمياتي ؟ وإذا عزمتهم أعزمهم مجاملة وأخـاف ياخذون بخاطرهم
إذا ما عزمتهم
لأن أبا آخذ راحتي واستانس أكثر ويا ربيعاتي
فأترك لكن المجال خواتي حتى تضيفون ما عندكم من أرائكم ومشورتكن ومساعدتكن وعشمي فيكم كبير
للرفع …
في بوفيه روعه في مطعم القصر الإبراهيمي قريب من برجمان
رووعه أكلهم والمطعم راقي
وبالنسبة تبين تعزمين أم ريلج وحمياتج
إذا إنت متأكدة إذا بتعزيمنهم مجاملة ومن النوع إلي ما يحبون يزورون يوم عندج ربيعاتج أعزيمهم مجاملة 
لأن حمياتي يوم عزمتهم مجاملة ما يو عندي يوم عزمت ربيعاتي 
موفقة
موفقه
أختي دام العزيمه لج انتي وربيعاتج ،،، فليش تعزمين حمياتج … لو عزمتيهم لازمتعزمين امج وخواتج
وبهالطريقه ربيعاتج ما راح ياخذون راحتهم
حبيبتي هاي عزيمة خاصة فيكي انتي وصاحباتك ليش بدك تعزميهن خذي راحتك انتي وصاحباتك وبالنسبة للبوفية انا بعتلك مسج ع الخاص وانا بقدر أعملك الي بتطلبية وشي زاكي ومرتب