بنات انا بغير اثااث غرفتي
ومب عارفه شو اخلي الارضيه سيراميك ولا خشب
لاني ابا اخلي لون الغرفه تركواز واصفر واخضر
يعني بدمج هالالوان مع بعض
ومب عارفه شو اختار بين السيراميك والخشب
واذا اخترت الخشب شو اخليه الخشب الفاتح ولا الغامج
ساعدوني لاني جد محتاره
حبيبتي في سراميك شرات الخشب واااايد روعه اذا انتي حابه
والخشب محد ينصح به هالايام
الخشب الغامج
وتقدرين تخلين الصبغ التركواز مع البني والأصفر
شكرا خواتي
ماتقصرن فديتكن
بس ليش الخشب محد ينصح فيه ؟؟؟
يعني بسرعه يخترب ؟؟
انزين ولو خليت الارضيه خشب بني غامج .. تتوقعون بيطلع حلو يالتركواز
ولا بتطلع الوان الغرفه كلها غامجه …
انزين واثاث الغرفه يعني الشبريه والكبت والتواليت اخذ بعد بني غامج ولا ابيض ولا اسوود
السمووحه ع المغثه بس جد محتاره مب عارفه شو اخذ
سبحان الله وبحمده سبحان الله العظيم
انا انصج مثل ماقالت الاخت خذي سراميك شرات الخشب واااايد روعه
ومووضته دارجه ويانسب اي لوون اذا صبغتي
حطي باركيه (خشب) اللي ينفرش عالارض مب اللي يتركب بالقطعة لانه اللي يتركب بالقطعه غااالي و عادي يخترب يمكن هذا اللي يقصدونه الخوات 
اذا حابة تدمجين هالثلاث الوان انصحج بالباركيه الفاااتح ما انصحج بالغامج لانه الحجرة بتظلم و بتستوي تسد النفس و لا تحطين ابيض لانه الالوان ما بتتناسق، الانسب هو الباركيه الفاتح اللي ينفرش، اذا حبيتي تستخدمين التركواز بس من غير الاولوان الثانية حطي باركيه خشب غامج و سبوت لايتس او ليتات مدورة صغيره للاضاءة عشان تعكس شي يفتح النفس، و صدق الحجرة بتستوي شي خيال و بالتوفيق حبيبتي