بعطيكن من خبراتي في الشعر .

شحالكن بنات يا ربكن بخير…..بكل صراحه انا من زمان ناويه انزل موضوع عن كيف تخلين شعرج ..صحي واغليض……

اول شي بخركن عن شعريه ..الحمدلله من استويت على ويه الدنيا وانا شعري غليظ غليظ غلييييييييييييييييييييظ… لدرجة انه الكل يتعجب من غلضه ..ما بقولج ربطة حبل لا …دبل الدبل…

حتى بنات المدرسه يمطنه عشان يتاكدن انه مب باروكه ..وهالشي عندنا وراثه…
وكان مب لازم اهتم فيه …

وفي يوم فجيته في عرس خاليه ..ويا فجه كوني فجه …الحريم صارن يعقصنيه ..كل وحده تمسك شعريه اتعقصه …

ومن عدها 3 ارباعه طاح…و وغير طياحه ..ههههههههههههه طاح عقصيه في الضو ..و شميت شي يحترق والا هوه شعريه ههههههههههههههه احترق العقص…

ومن كثر ما صحت على شعريه …مشت البطحا…سنين وانا اصيح عليه هههههههههه

المهم ..النتيجه انيه غديت بنت من بعد ما كان الكل يسالني ليش شعري غليظ…قمت اسال الناس ليش شعرهم غليظ…

والله ما خليييييييييت دهااااااااااااااااااااان على ها الراس ما حطيته …

والنتيجه :

اللي تبا الغلظ ….عليها بزيت اسمه زيت الحشيشه من منتجات كنوز الطبيعه … انتاج عماااااااان

بنات انتبهن مب كل زيت حشيشه نفس الشي…وانا بقولكن انه يترس الفراغاااااااااااااات ترس تر س ترس… والله العضيم وشعرج بيبق من كثر الشعر اللي ناقض… وفي شي لو خليتيه …ما بيطيح الشعر اللي نقضلج ..مب نفس اي زيت ..

واللي تبا الطول..عليها بزيت الهنديات ..اللي هوه زيت الناريل .(اسم الزيت مكتوب باللون الاحمر CBC brand و بالابيض زيت جوز الهند الصافي)..هذا الزيت الله يسلمكن علبته خضرا غااااااااااااامق ومرسوم علهيا ناريل…ومسكره .مثل البرطمان .وتنباع في السوبر ماركت … قسم زيوت للطبخ………

واربيعتيه ماشالله تستخدمه شعرها لين كعب ريلها وايخلي الشعر سااااااااااااااااااااااااااااااااااايحه…لكل وحده تعاني من الكشه…

وقسم بالله …انيه استخدمته ثلاث مرات …وطول شعريه على قد صبعيه الصغير…اللي في يديه… بس مشكلتيه انيه معرسه ريحته تضرب…لكن والله رحيته مب بشعه ..رحتيه زينه..بس المشكله انه نحنا المعرسات ما نقدر…لانه ردار الريايل يشتغل…..
و
واللي تعاني من التساقط …….(اكييييييييييييييييييييييييييييييييد تشرب جاهي وااااااااااايد والجاهي هوه السبب في تساقط الشعر لانه يكسر الدم) تودره احسلها ..

او انها ما تاكل عدل…او انها عندها فقر دم…او عندها نسبه ضئيله في الزنك…
لازم اتسوين تحليل دم…

واحسن حبوب للفقر الدم..اسمها (فولك ايرون)..عديلج…10 ايام وبيقل التساقط لين ما يتوقف…

والحل للحامل اول..(تاخذين حبوب في الصيدليه هن حبوب طبيعيات واعشاب مرسوم عليها صوره ويه غبي..وفيه الوان.. وهن ريحتهن مثل ريحت السمج pregnancy herbal blend) اعطييييييييييييييييكن قرنتي انه شعركن وانتن حوامل انها ما بطيح ابدا… وايستوي غلييييييييييييييييييييييض

ولاي شخص…عادي …(من نفس الشركهSAGE rganic limited خذي اللي يناسبج ولانه طبيعي انصحكن تاخذنه… ولو مب فنان ما كان غالي الحبوب)

نصائح للشعر من اللي اعرفه وسمعته وجربته:

1 اي زيت ما بينفعج لو فيج نقص في جسمج ..
2 ما تحطين على راسج اي شامبو…او تبدلين كل مره شامبو ..تراه بيطيح نصه
3 الشامبو اللي يناسبج ..هوه اللي ما يتاثر شعرج فيه ..يعني ما يتساقط. يوم تغسلينه .واللي يناسبج ما يناسب غيرج…
4 ما تمشطين شعرج وهوه خرسان…مبلول يعني ..ابدا ابدا..تنشفينه قد ما تقدرين وتحطين اي زيت مرطب حق الشعر..وتلفينه وبعد ما تحسبخ شوي حف..تردين تمشطينه…
5 ممنوع اي انبولات للشعر وانتي ما تعرفين شو هن لانه نصهن يبيضن الشعر..
6 احس زيت عشان الكشه ما تنفش دهن دابر الاخضر اللي اييج دويري لونه اخضر بالصبار….تحطينه على شعرج ومستحيل ينفش..ابدا ابدا..
7في مشط فناااااااااااااااااااااااااااااااااااااااااااااااا اااااااااااااان خذته من الجمعيه اسنانه وايد واسعه …بس مب الوسع اللي ما يمشط الشعر لا اللي اييج واسع بس باعتدال لونه اسود وتلقينه عند قسم الشعر…بس والله ممتااااااااااااااز…
8 بنات لازم عشر دقايق في اليوم تنزلين راسج عشان يدفق الدم فيه ..لاجل يغذي راسج…وشعرج
9 مب كلي يوم تحطين في راسج زيت غير …غلط بتطلع النتيجه عكسيه…

واي سوال اناحاااااااااااااااااااااااااااااااااااااااااااااا ااظره
واتمنى منكن دعوه حلوه ..في ضهر انه الله يفرجلي همي..ويهديلي ريلي ..ويجعلي من كل ضيق مخرج..

(ويزاكن الله خير)

قمت استعمل الريكوتين وطبعا هالدوا سم عالجسم.. وااايد قام يطيح شعري وغدا رفيع و واايد جاف..
الحين من فتره خلصت العلاج بس ماخليت شي ماجربته لشعري لا شامبو نفع ويايه اذا قلل من التساقط تم الشعر جااااف واايد.. ولا دهان مب عارفه كيف ايرد شعري شرات قبل..!!
حتى فكرت اقصه مع انه طويل لأني تعبت

المشاركة الأصلية كتبت بواسطة غرام_الحب

أنا شعري طويل وسايح وكاااااان فعل ماضي(غليظ)..

قمت استعمل الريكوتين وطبعا هالدوا سم عالجسم.. وااايد قام يطيح شعري وغدا رفيع و واايد جاف..
الحين من فتره خلصت العلاج بس ماخليت شي ماجربته لشعري لا شامبو نفع ويايه اذا قلل من التساقط تم الشعر جااااف واايد.. ولا دهان مب عارفه كيف ايرد شعري شرات قبل..!!
حتى فكرت اقصه مع انه طويل لأني تعبت

موفقه دنيا و آخره..

لا تقصينه

حرام ….

لازم اول شي تسوين تحليل ومن بعد التحليل الدم اجيكين انه كل شي اوكي

واستخدمي زيت الحشيشه مع فيتامينات

وانشالله بعد شهر من الحين بتقوليل فرق السما والارض..

انتي اسمعي كلامي بس …