السلام عليكم و رحمة الله،، خواتي عندي استفسار،، انا بسافر أوروبا ان شاءالله،، و أباً اعرف اذا في بطاقة اقدر استخدمها في كل دول أوروبا،، او الاحسن أني اشترك في باقة من باقات دو و اخلي بطاقتي مال دو دولية و ادفع للنت؟؟ ياريت تفيدوني و شكرًا
عليكم السلام ورحمة الله وبركاته
انا سنه اللي طافت في الصيف لفيت نص اوروبا ومافي بطاقه تشتغل في اوروبا كلها لان في عددة شركات
الشركتين اللي كانت اوك واللي حصلناه في كذا دوله هم
Lebara
Lyca mobile
بس من نطلع من الحدود الرقم يستقبل مايرسل الا بعض الدول مثل سويسرا وفرنسا كنا نستخدم بطاقه وحده واكثر شي نشبك بالفندق بس تخسرين على بطاقة اوروبا يطلع عليج ارخص من رقم البلاد
وفي نقطه مهمه بالنسبه لشركة دو بطاقتي ما تشتغل خير شر برع البلاد وايد تلعوزت وضعت وتبهدلت والسبه دو 
حتى في السعوديه نفس الحاله والسموحه عالقصور هاللي اعرفه
خبى تيلفون البلاد شغال بس لا تستعملينه الا للواتس اب وخي بطاقه من كل بلد تسيرين لها وفعلي النت والهوت سبوت وشبكي نت موبايل البلاد عليه عن الفواتيروالخسر وبالسلامه
أنصحج كل ما توصلين دوله تاخذين بطاقه سياحيه اللي يكون فيها النت اسبوع مثلا حسب العروض تحصلينها غالبا بالمطار. أساسا النت مهم هناك تشوفين القوقل ماب أو المطاعم المناسبه وحق وايد اشيا وبنفس الوقت المكالمات ترومين تنزلين سكايب ع الفون. حتى سكايب ترومين تحطين فيه رصيد لو تبين تدقين ع رقم مب شرط تدقين سكايب. انا دايما اسوي جذي حتى لو رايحه مكان ٣ ايام. وهالبطايق عادة تكون رخيصة.
فكره حلوه مشكوره اختي السنع