السلام عليكم اشحالكن حريم وبنات وعياايز هههههه
ان شااء الله بخير وللاتشكون بااس
هذي اول مشاركه لي في هالقسم وان شااء الله ماتكون الاخيره
اليوم سويت لكم برياني النغر اللي هو الحباار
وان شااء الله يعجبكم البرياني
وسمحلي ماصورت طريقة التحضير تذكرت يووم خلصت ههههه
ان شااء الله اقدر اشرح لكن الطريقه بتفصيل
المقادير :
نغر مقطع مكعبات
ليمونه صفرا
زنجبيل قد حبة الليمون
نص راس ثوم
خمس حبات فلفل حار اخضر واذا بغيتيه حار اكثر زيدي الفلفل
1 ملعقه كاري مدراسي
1 ملعقة بهار إسمه السامبار Sambar
1 ملعقه ملح
8 بصلات كبار
الطريقه :
ناخذ النغر وطبعا يووم نشتريه نخليه يقطعه لنا مكعباات قد مكعبات الماجي
ويوم انييبه البيت انظفه عدل لانه بيكون خايس حبر من الحباار
وانا بعطيكم مقادير للكيلو
المهم بعد مانظفه النغر نحطه في المشخله حتى مايتم فيه ماي في هذا الوقت
ونبشر زنجبيل طازج قد حبة الليمون العربي ونص راس ثوم وليمونه حبه
وحده الاصفر انا استعمل الافريقي
نحط النغر في الطاسه ونحط عليه
الثوم المبشور
والزنجبيل المبشور
والبهار واللي إسمه السامبار Sambar
والكاري والفلفل الحار مقطعينه صغاار
والملح
ونعصر الليمونه عليه وقشر الليمونه لاتعقينه فطعيه قطع صغارحطيه
مع النغر وخلطيه عدل بعدها سكري الطاسه وخليه ساعه او اكثر انا اسويه
الصبح وخليه لين موعد تجهيز الغدي يعني 3 او 4 ساعات
ومرات اسويه العصر وحطه في الثلاجه وسكر عليه في بلاستك عن تطلع الريحه في الثلاجه
المهم بنرجع لطريقه بعد ماخلينا النغر في البهارات كم ساعه
نقطع البصل شرايح ونقليه بزيت لين يحمر طلعي نصه وخليه ع جنب
واللي في الجدر حطي عليه النغر وحركيه وخلي عليه النار خفيفه وسكري الجدر عدل
ولاتنسين النغر جيكي عليه كل خمس دقايق وخذي حبه في ايدج
ان شفتيه استوي طفي النار عنه
الحين بنيي للعيش وسويه ع طريقتج بس خليه نثري يعني خليه
يستوي نص نص وشخليه بالمشخله
و في نفس الجدر مال العيش حطي النغر وحطي عليه العيش
وحطيه في الفرن نص ساعه والفرن لازم يكون مشغل من قبل حتى يكون حار
يوم بنيي بنقدمه نحط عليه البصل اللي المحمر
الحين بخليكم مع الصور للبرياني
وهنيه من زاويه ثانيه حتى ايوعكم هههههههههههه
وهذي صورة الكاري والسامبار Sambar
وهذي صورة العيش وكمية الماي عليه قليله لاحضو لاتزيدون الماي
وسمحولي ع التقصير في التصوير
وصحتين وعاافيه ع قابكم
ما شاء الله شكله لذيذ
يسلموو خيتو على الطرح ..
تسلم ايدج شكل الطبق شهي
عليكم السلام ورحمة الله وبركاته
واااايد أحب النغر ^__^
مشكوره أختيه
يمييي يميي
ماشااء الله شكله فنااان يعطيج العافيه حبووبه
وعليكم بالعافيه يارب
انزين بخبرج ما بطرشيلي صحن مترووووس
شكله يجنن تسلم ايدج اختي يوعتيني صدق
المشاركة الأصلية كتبت بواسطة روح المنصوري 
يسلموو خيتو على الطرح ..
ربي يسلمج يالغااليه واشكرج ع ردج لاهنتي ياارب .