السلام عليكم
شخباركم يا بنات
السبت الي طاف بديت ف جلسات الميزو ثيربي لشد الدهون
وهي عباره عن ابر تحقن ف منطقة الدهون وتعمل على شدها ،، محتوى الابر عباره عن فيتامينات طبيعيه
ابي منكم التشجيع وان شا الله راح اكتب لكم تجربتي بالتفصيل لنهايتها
الميزو :
((((((مساء الخير لبنوتات ضمى
كثير منكم تحمس مع موضوع lpg كلن يبي يتخلص منcellulite و stretch marks
وعشان كذا باتكلم عن اقوى علاج في هالمجال وهو الميزوثيربي
اول شي لاحظت ان كثير من البنات مايفرقون بين cellulite و stretch marks
cellulite له عده تسميات وتشبيهات منها قشره البرتقاله,جبنه الكوتاج والغمازات…يعني مايكون الجلد املس لا فيه تعفطات
اما stretch marks هي الخطوط البيضاء اللي تجي مع تغيرات الوزن والحمل والولاده
الميزوثيربي علاج اخترعه طبيب فرنسي وكان موجود بس في فرنسا واروبا ووصل للسعوديه قبل 4 سنوات
استخدامته:علاج السليوليت
تنحيف المناطق المستعصيه
يزيل علامات تقدم السن على البشره
ماهو الميزوثيربي؟
هو عباره حقن تحتوي على فيتامينات ومواد اخرى تحقن في الطبقه الوسطى من الجلد.
متى تبان نتائج العلاج؟
يختلف كل جسم عن الاخر البعض يلاحظون الفرق من اول جلسه ولكن الغالبيه من الجلسه الثانيه او الثالثه.
هل النتائج موقته او دائمه؟
النتائج دايمه طالما الشخص ياكل صحي ويمارس الرياضه (يعني مو تتسدحون طول اليوم وتاكلون برينغلز وتقولون ليش طلع السليوليت) لكن تقدر الوحده تسوي جلسه كل فتره للاحتياط
هل الحقن مؤلمه؟
ممكن تحسين بالوخز والحرقه لبعض الوقت وممكن يحطونلك كريم مخدر قبل الابره
هل له اي اثار جانبيه؟
غالبا (يزرق=يورم) مكان الابره لمده اسبوع او اقل
هل فيه تعليمات خاصه بعد جلسه العلاج؟
ممنوع الشخص ياخذ حمام ساخن بعد الجلسه لمده 8 ساعات
المعلومات هذي كلها من موقعهم الرسمي ومعليش على الاسلوب لاني اترجم فوري
معلومه هامه:الموقع يقول ان لازم دكتور مرخص يقوم بالعلاج مو ممرضه زي شغل العيادات عندنا وعشان كذا ارسلتلهم اسال عند مركز او دكتور مرخص واذا ردوا علمتكم
واللي يبي يشوف النتائج بالصور يطبع mesotherapy before and after بقوقل وراح تطلع صور بالهبل بس مااقدر احطها هنا لانها عيب)))))
منقول …
انتظرو تجربتي 
تسلمين خيتو
ظنج في حد يسويه في بوظبي اختي قوليلنا اسمه
بالتوفيق .. بس خبرينا عن وزنج وطولج والمناطق اللي بتعالجينها بالميزو ثيرابي؟!
وهل جفتي نتايج للحين؟
انزين انا ابا اسالج الجلسه عكم ؟؟؟
وبين جلسه والثانيه كم تكون المده؟؟
في اي مركز اتسوينهن؟؟
المشاركة الأصلية كتبت بواسطة بدويه 
الصراحه ما عرف اذا ف حد ف بوظبي يسويه لاني من الفجيره
ان شا الله الاخوات ف بوظبي يفيدونج
المشاركة الأصلية كتبت بواسطة الذربة وهل جفتي نتايج للحين؟
الوزن مو منه فايده لان هالابره ما تقلل من الوزن لكنها تشد الدهون يعني يصير السطح املس ومشدود وما يتاثر بالضغط عليه من الملابس فما يبرز لج ،، انا وزني 54 وطولي 157
انا اعالج الزنود و نهاية الخصر (البروز الي يستوي لما تلبسين شي ضيج ،، بنطلون مثلا )
انا بعدني ف اول جلسه والي اعرفه من كثر ما قريت عنه ومن كلام الدكتور ان النتايج ما تبين الا بعد رابع جلسة تقريبا ولازم تسوين دايت خفيف اقصد ما تاكلين لج اكل دسم وتاخذين راحتج وشوي رياضة خصوصا للمناطق الي ودج تشدينهم وهالشي يساعد ع ظهور النتايج بسرعه وانا مطبقه لهالشي وان شا الله نشوف النتايج
والصراحه للحين ما ف اي نتيجه لكني مستمره ان شا الله