خواتي التربويات ومدرسات التربية الفنية بالاخص
عندي كم سؤال ياليت لو حد يقدر يفيدني
بالنسبة للمقابلات في مجلس بوظبي:
شو نوعية الاسئلة اللي بيوجهونها لنا خلال المقابله ؟
بليز حطولي امثله
والمقابله بتكون باللغه العربيه ولا الانجليزيه؟
هل بيسالوني عن مجال تخصصي ولا الاسئلة تكون من جانب تربوي؟
وبالنسبة لمنهج التربيه الفنيه لرياض الاطفال:
حد يعطيني نبذه عنه
الوحدات الدراسيه.. طرق التدريس .. الصعوبات اللي تواجهونها
طرق التعامل مع الاطفال داخل الفصل
واذا في وحده مستعده تفيدني اكثر يا ليت لو تتواصل معاي عالخاص
في وايد اسئلة في راسي بس احس تفكيري تشتت من كثر ما افكر في الموضوع
بليز خلونا نستفيد من تجارب بعض
ياليت من المشرفات نقل موضوعي اذا كان في القسم الغلط
اختي
جهزي لج درس متكامل لحصة فنية
كتبي خطة للدرس و جهزي كل الادوات و طبعا في الخطة كتبي الاهداف و كيف بتحققينها و كيف بتعرفين انه الطالب حقق الهدف
جهزي درس متكامل و اعرضيه عليهم
بالنسبة لرياض الاطفال
يعطونهم حروف و كل شيء مرتبط بالحرف مثال حرف الف – انف – أذن
ممكن تعطينهم وجهي و مم يتكون
ممكن تعطينهم يسوون تاج مبسط
ممكن تعطينهم يسوون خروف
عطيهم شيء بسيط جدا جدا جدا لانه طفل الروضه ما يعرف يلون زين
ممكن تعطينهم يركبون أجزاء الوجه ، العين و الفم و الانف و الحاجب
شيء مبسط جدا جدا او ممكن تخلينهم يرسمون عشان تعطيهم مجال انهم يصقلون مهاراتهم و خيالهم
سنة 2024 وحده متعرفه عليها ، قالت انه الامتحان كان كله عن الفنية
سألوها كله عن التخصص مش عن الناحية التربوية
لكن ممكن يسألونج عن الطفل الموهوب او اللي عنده اعاقة او الضعيف كيف بتعلمينه
يزاج الله خير اختي uaeirose
ما قصرتي
ما في حد عنده خلفيه عن الموضوع؟
ربي يوفقج 
ان شاء الله حد يفيدج
.gif "13 (30)")
.gif "55 (11)")
.gif "55 (8)")
السلام عليكم ورحمة الله وبركاته
موفقة يالغالية
ان شاء الله حد يفيدج حبوبة
للرفع ^^