بخبركم شي وايد مهم عن العطور وخاصه الماركات .

قبل كل شي بنصح اي وحده تروح تشتري عطر ماركه ما تاخذه من باريس جالاري او من اريج او محلات العطور الثانيه

لاني بصراحه حسيتهم يغشونهم والله اعلم …

والدليل اني يوم اخذ اي عطر من اريج مثلا
بعد فتره الغرشه ما ترش يعني الغطا وين الرش يخترب وما يرش

حتى اني مره كنت ماخذه عطر جوسي كتور من اريج ويوم خلص عني وانا حبيت ريحته بس لاحظت ان ريحته ابدا ما تثبت ارش وااااااايد يالله العطر ينشم وريحته ما اتم وايد بالكثير ساعتين ثلاث ..

واول امس رحت هارفي نكلز مريت صوب قسم جوسي كتور خذت عنهم عطرهم هذا نفسه
والله اني امس بالليل متعطره منه رشتين قبل لارقد عالخفيف ما بتصدقون ان ريحته للحين تامه بثيابي

ونفس الشي عطر فلورا من جوتشي
شفت هالعطر عند اختي من قبل وقالت لي رحته هاديه بس مب ثابته وانا ادور العطور الثابته
ونفس الشي مريت على بوتيك جوتشي قلت خلني اخذ عنهم هالعطر وانا في بالي ان عطورهم اصليه واكيد ريحتها بتم فتره طويله

فعلا العطر ريحته ثااااااااابته و يوم رشيتها بورقه ليومين الريحه تمت ثابته فيها

المهم اني ابغي اقولكم ان عطور اريج وباريس جالاري كله غش بغش هذا والله اعلم ويمكن همه يبونه من جبل علي على اساس ان اصلي ….

وقلت المره اليايه مابخذ عطور الماركه الا من محلات الماركه نفسهم ولا شرايكم ؟؟؟

وبسسسسسسسسسسس