بحكم تجاربي على شعري المكسين منذ سنين عديده حبيت افيدكم

السلام عليكم ورحمة الله وبركاته

بنات أنا اليوم حابه افيدكم بتجاربي بحكم ان انسانه وايد احب اعتني بويهي وشعري
وباختصار نبدأ:

في خلطه وايد منتشره فالمنتديات وانا شخصيا اعرفها من قبل وجربتها مرتين واهي خلطة الزيوت مع الثوم بشكل عام اي شي مع الثوم، نصيحتي للبنات اللي شعرهم دهني لا يستخدموناه ابدا ابدااااااا لانها بطيح شعرهم بالهبل وانا جربتها مره وطاح شعري بشكل فظيع وما تبت جربتها مره ثانيه وبعد طاح شعري واختي جربتها ما طاح شعرها بالعكس نفعها وايد ومرة وحدة قالت لي انتي شعرج دهني وما تنفع لج هالخلطه

مشكلة خلطات الثوم للشعر: إن الثوم حيوي جدا ولازم تستخدمينه بانتظام وحذر شديدين
واذا تبي تقطعين عن الخلطه تقطعين بالتدريج مب مره وحده وصدقوني بالرغم من شده فائدة الثوم للشعر بس ما ينفع للكل في شعر يتأثر بسرعة لانه الثوم قوي جدا وحيوي نفس ما قلت
فاللي بتسوي خلطات الزيوت مع الثوم تحسب حسابها قبل وتكون متأكده من عدد الساعات اللي تتركه عراسها وتكون من متاكده من الطريقه الصحيحه وما يكون شعرها دهني وما يكون شعرها من النوع الحساس او اللي تحس شعرها ما يتحمل اي شي

ثاني شي: جربت كورس علاج من شركة زين الاتات وووووواااااااااااااايد روعه
ومب بس اللي عنده مشاكل ياخذه اي حد حاب يعتني بشعره يروح عندهم
والبنت اللي ما تحب الزيوت والريحه تروح عندهم لانه يعطوج الزيوت معالجه بشكل بخاخ
ترشين عشعرج صبح وبليل يوميا وهم 4 عبوات تسوينهم بالترتيب ومن دون ما تغسلين شعرج لان نفس ما قلت لكم على شكل بخاااااااااااااااخ وعطوني بعد حبوب التمر يعني حاطين فيتامينات التمر كلها فهلحبوب عسب تغذي شعرج وجسمج وفيتامينات ثانيه بعد

ثالث شي فهالفتره قاعده استخدم زيت زيتون وزيت خروع ومايونيز اخليهم بشعري ثلاث ساعات فاليوم مرتين فالاسبوع، وتقدرين تحطين اي من زيوت الخروع الجرجير الخس اللوز ويا المايونيز بس تاكدي ان الزيوت اصليه، مع العلم ان هالخلطه تنعم الشعر واطوله بسرعه وبتلاحظي النعومه من اول استخدام، والشعر المصبوغ والمتقصف تنفع له هالخلطه، والمايونيز فوائده روعه للشعر وهو مغذي

رابعا عند استخدامج للخلطات لا تكثري من عدد الساعات سوي المطلوب منج بس لانه الشي لو زاد عن حده انقلب ضده وقصي اطراف شعرج فالشهر مره ولا مرتين يوم الجمعه
لان الجمعه يوم مبارك وفي حديث ان الاعضاء لازم تندفن والشعر عضو يوم تقصينه لازم تدفنينه والله اعلم وبعد سمي بسم الله وادعي وانتي تقصين شعرج

بنااااااااااااااااات هاي تجاربي انا وحبيت افيدكم بها مع العلم ان كل اللي كتبته انا مجربتنه

وان شا اللت تستفيدوا واي سؤال انا جاهزه