مرحبا يا بنات
اليوم بنسوي لوك رمادي برسمة عين القطة مع روج أحمر جريء
نبدا طبعا بوضع بيس على العين
هني العارضة المشهورة طبعا سوزي
استخدمت برايمر ان واي اكس
عقب نستخدم اللون الرمادي الفاتح على اول الجفن ونبدا نتدرج باللون الرمادي للأغمج يكون على طرف الجفن الخارجي
واخيرا رسمة القطة للعين من داخل وبرا انا حطيت لون أزرق على العين من داخل
الشكل النهائي
لمزيد من اللوكات تابعوني على الانستغرام
عاشت الايادي
ابداع مااشاء الله
ممكن اعرف شو تستخدمون في التصوير خصوصا ميكب العيون كل ما اصور ما يطلع اوكي تطلع الصوره باهته ،،،
لاتصورين من الفون خذي كاميرا بروفشنال افضل
ممكن بس راح تطلع الصورة كبيرة وبتتبهدل في تصغير الصور وتحميلها
اناا عن نفسي استخدم كاميرا السامسونج فظيعه ما شاءالله أو اي كاميرا فوق ال8 ميغا بيكسل بتطلع الصورة روعة واضحة
وعلى فكرة ترا كل شغلي تصوير موبايل ومن غير فوتوشوب أو اي تعديل ديجيتال عالطبيعة مثل ما هو طالع بالصور وهذا الي نسميه المكياج الفوتوجينك الي يطلع حلو بالتصوير لانه التصوير له قوانين معينة بالمكياج ولازم تكثفين بعض الألوان وتختارينهم صح وترسمين الويه والعين بشكل وطريقة معينة عشان تطلع بالتصوير حلوة
من اهم هالنصايح لالالالازم تغمجين الحواجب لانه الحواجب تخف بالتصوير واذا ما رسمتيهم بتطلع رمادية وبيطلع مكياجج باهت بالصور لكن بالطبيعة حلو ورسمة العين لازم ترسمينه من داخل بلون لا تخلينه فاضي حتى لو ما حابة لون داخل حطي لون حليبي مثل لون عينج الطبيعي عشان يبرز اللون لانه بالتصوير راح تطلع العين باهته وصغيره مب محدده عدل ونفس الشي بالنسبه لكنتور الويه والانف والبلاشر لازم يكون لون مناسب للون البشرة والمكياج وبكثافة معينة عشان يبرز وغيرها كثير من نصايح اقري عنها عشان يطلع مكياجج فنتكة بالصور
شكرا حبيبتي ردج الابداع فديتج
عاشت ايامج حبيبتي
مشكوره اختي على المعلومات الحلوه و ان شاء الله بجرب اللي قلتي عنه ،،، تسلمي