مرحبا بنات انا كنت حاطه هالموضوع
وهذا رابط الموضوع
http://forum.uaewomen.net/showthread.php?t=724751
وامس ماقدرت انطر الصراحه ورحت عياده خاصه ودخلت عند الدكتوره وشرحتلها اللي صار عندي طرشتني اسوي فحص دم
والحمدلله يا بنات طلعت النتيجه بوستيف
والله يا بنات يوم عطوني ورقة النتيجه وقريت بوسيتف انصدمت وعبالي بوسيتيف يعني مب حامل بعدين تمعنت فالورقه اكثر وقريت بوسيتف قلت بوسيتيف يعني حامل والنيجتف يعني مب حامل
ومن الصدمه رحت اسال اللي فالمختبر شنو يعني بوسيتف قالت يعني حامل قولها اكيد قالت هيه اكيد
واليوم راجعت الدكتوره قالت انتي في بداية الاسبوع الخامس وعطتني فيتامين وقالت خذيه زين حق الجنين
واستانست والله الحمدلله رب العالمين
وربي يرزق كل محرومه ان شاء الله
ادعولي يا بنات الله يثبت حملي ويتمملي على خير ان شاء الله
وايد هذرت صح خخخخخخخخخخخخ
الحين سؤالي ابي اصبغ شعري بس اخاف انه يأثر ع الجنين اللي عندها فكره اذا الصبغه تاثر ع الجنين تقولي ؟؟
ادري بتقولون فاضيه بس شسوي خاطري اصبغ شعري من زمان خخخخخخخخخخخخخخخخ
ياريت اللي عندها فكره تفيدني
وسوري طولت عليكم
الف مبروك والله يتمم لج على خير وعقبال الباقيين
لو بتسألين الدكتوره بتقول لج احسن خليه لبعد الولاده بالسلامه
اذا تبين تغيرين لون شعرج حطي حنه شحلاتها على الشعر
مبروووووووووووووك
والله يتمم لج ع خير يارب
عااد ماا ياا في خاطرج الا الصبغه والحين بعد 
شوفي انا صبغت بالشهر الثاني او الثالث
والحمد الله ماصار شي ..
بس الافضل تاجلينه لبعديين
ومو زين راي الاكثريه
عااد مو تسوين نفسي ..
ألف مبروك حبيبتي .. وربي يتمم لج على خير يا رب …
عليج بـ الراحة التامة .. والتغذية الصحيحة المفيدة …
وربي ان شاء الله يفرحج بـ شوفة ضنآآج
ويرزق كل وحدة تتمنى الذرية الصالحة اللهم آمين …
بخصوص الصبغة من الأفضل تركها .. لأن الشهور الـ 3 الأولى جداً حساسة ..
كل شي يهون ويتأجل عشان خاطر البيبي …
ربي يوفقج ان شاء الله ..
مبرووووووووووك
وربي يثبت حملج
لا تصبغين احسن
لاحقة عالصبغ
ألف مبروك الغالية
الله يثبت حملج ويتمم على خير
أما بخصوص الصبغة أعتقد هب زين
المشاركة الأصلية كتبت بواسطة SAUDI-PEARL 
لو بتسألين الدكتوره بتقول لج احسن خليه لبعد الولاده بالسلامه
اذا تبين تغيرين لون شعرج حطي حنه شحلاتها على الشعر
الله يبارك فيج حبوبه
ويعيطيج العافيه حبيبتي ع المرور