السلام عليكم خواتي
قبل ما ابدا اول شي ابا اشكر كل وحدة منكم اهتمت و قرت مواضيعي و ردت علي و دعتلي..صج ما قصرتوا و خففتوا عني واااااااااايد
ابشركم … الحمد لله بفضل الله و رحمته و بدعواتكم لي انحلت مشكلتي مع ريلي وردينا احسن من قبل (الله يديم محبتنا و يسخرنا لبعض يا رب)
هو اتصل فيني من اسبوع و تكلمنا قريب اربع ساعات تعاتبنا و تفاهمنا و طلعنا اللي في خاطرنا … و هو اعتذر و قال انه عارف انه جرحني و ظلمني و قسى علي بس هو وضعه كان صعب و ماكان يقدر اييني لين مايحصل حل نهائي للمشاكل اللي صارت بيني و بينه
المهم وصلنا لحل مرضي و اتفقنا ننسى اللي صار و نبدا صفحة جديدة .. و انا مع اني في الفترة الاخيرة كنت ناوية انهي الموضوع و اطلب الطلاق بس يوم رد و اعترف بغلطه سامحته لاني بعدني احبه و الاهم من هذا ما ابا بناتي يكبرون من دون ابوهم ..
من هذاك اليوم و هو يتصل يوميا و نسولف و امورنا بخير الحمدلله بس بعده ما ياني لان الوالد مسافر يسوي فحوصات و بيرد خلال اسبوعين ان شاء الله و ريلي شايف ان بعد فترة الغياب هذي كلها مو حلو انه اييني و ابوي غايب لازك يترياه و يتفاهم معاه عشان ابوي ما يحس انه ماسواله اعتبار (بيني و بينكم انا ارتحت للسالفة عشان اجهز عمري بعد هالغيبة)
حبيت اطمنكم عن اخباري و اشكركم مرة ثانية على اهتمامكم .. الله لايحرمني منكم و من اخوتكم
الحمد لله رب العالمين انها انحلت مشكلتج والله سخركم تردون لبعض
والله يجمعكم دوم ويبعد عنكم الشيطان وترا كل شي بالتفاهم ينحل حبيبتي
ربي يحفظج وييسر لج امورج ويحفظ لكم بناتكم ويتربون تحت رعاية ابوهم غلاتي
مبروووووك لج ولريلج وما اوصيج ها تذهبي كنج عروس ^^
الحمدالله رب العااالمييين الله يدييييييييييييييييييييييييييييمهااا عليكم يااارب
المشاركة الأصلية كتبت بواسطة كعبيهـ vip 
والله يجمعكم دوم ويبعد عنكم الشيطان وترا كل شي بالتفاهم ينحل حبيبتي
ربي يحفظج وييسر لج امورج ويحفظ لكم بناتكم ويتربون تحت رعاية ابوهم غلاتي
مبروووووك لج ولريلج وما اوصيج ها تذهبي كنج عروس ^^
فديتج والله تسلمين عالرد … الحمد لله ربي عارف كيف كانت حالتي بدونه
ولا توصين يوميا انا في الاسواق كاني صج عروس جديدة اتزهب من الالف للياء
المشاركة الأصلية كتبت بواسطة دلووعتهم مشكورة حبيبتي .. الله يسمع منج يارب
الحمد الله يا ربي
وتستاهلين يا قلبيي
الله يسعدج ويوفقج ع طول يابنت الحلال
فرحتني والله
الله يحفظج