السلام عليكم ورحمة الله
شخباركن؟
السؤال واضح
باجر عيد زواجنا الاول وانا لي 16 يوم مربية … يعني في عز النفاس وبنوتي صغيرة
ساعدوني بافكاركم … ماعرف شو اسوي؟
والا ااجل كل شي لبعد العيد؟
ساعدوووني بلييييييييز
احسن شي تأجلينه عشان تحتفلين بطلعوج من الاربعين وعيد زواجج
اذا تبيين خذي حق ريلج باقة ورد باجر او شي بسيط بس الحفله خليها حق عقب الاربعيين
اذكر يوم عيد ملجة اخوي
سوينا لمرت اخوي سبرايس اولا طلعناها من بيتهم
واخوي راح ياب ورد وشموع وكيك وقبل ماخذ فراش لانها قالت تبي تغير الفراش
وحطينا الورد والشموع فالصالة وفي غرفتهم طبعا وكله بترتييب وغيرنا الفراش
وحطينا الكيك وزقرناهاا واايد استانست صح ان شوي لكن فرحت سوي له من هالقبيل بيستانس
ومرة مرت ولد عمي سوت ليلةحمرا كل شي احمر ترست الحوض مااي ونثرت ورد احمر فالحوض
وكانت ماخذه كل شي احمر ولبسها وع السرير نثرت الورد .. واايد اشياء كله احمر
او احجزي لكم في فندق كم يوم .. وطبعا رووحي قبله واتشطري وعدلي المكان ..وخلي بنوتتج عند امج اول يوم
وبعدين سيري شلييها ..
او احجزي فالسفينه عشى لشخصين لج وله طبعا انتيه تختارين برع او داخل ع حسب الجو الحلو
هذا الي عندي واايد شي افكار بعد
تقول انها في النفاس
شي طبيعي ما تقدر تسوي كل هذا
انا اقول تطلعون تتعشون برع انتي عزميه على العشا مثلا و خلي البنوته منها تغيرين جو شوي و منها تحتفلون انتي و ريلج
اتصلي باجر على اي مطعم و احجزي طاولة و وصيهم تكون الطاولة مرتبة عدل يعني ورد و شموع ترا شي هالخدمات في بعض المطاعم
و اخر العشا قوليلهم ايبون كيكة مكتوب عليها اي كلام انتي تحبينه مثلا كل سنه و انته حبي يا بو الريم و الخ
و ايبولكم كوبين عصير مع جو رومانسي جيه و بس
و ما يحتاي هدية لان اعتقد ما بتقدرين تاخذيله شي الا اذا بتوصين حد
و ليلة سعيدة يا ام الريم
و الله يوفقكم ياااارب
خلي الحفلة العودة لـعقب الاربعين ^_^ لأنج ما بتقدرين تسوين وايد أشيا هالفترة!! روحج تعبانة وعندج البيبي ..ألخ!
باجر طلعي ويا ريلج روحكم… خلي بنتج عند امج ولا اختج تشوفها
طبعا مابتقدرين عالحواطة لأنج توج مربية فاكتفي بالعشا وقعدة خفيفة فـ مكان حلوو
وتعدلي ع خفييف
واذا ماتقدرين تطلعين خليهم يرتبون عشا سنع فالبيت (وخلي حد ايود بنتج) وقعدي ويا ريلج قعدة حلوة 
امممم يمكن الهدية تكون صعبة فـهالوقت .. بس ممكن تاخذين بطاقة وتكتبين فيها كلام حلوو ^_^
انا احتمال أكون بعدني فالـ40 يوم ايي يوم زواجنا …… فـموضوعج هذا بيفيدني يمكن أصرق أفكار 
خلي الحفلة العودة لـعقب الاربعين ^_^ لأنج ما بتقدرين تسوين وايد أشيا هالفترة!! روحج تعبانة وعندج البيبي ..ألخ!
باجر طلعي ويا ريلج روحكم… خلي بنتج عند امج ولا اختج تشوفها
طبعا مابتقدرين عالحواطة لأنج توج مربية فاكتفي بالعشا وقعدة خفيفة فـ مكان حلوو
وتعدلي ع خفييف
واذا ماتقدرين تطلعين خليهم يرتبون عشا سنع فالبيت (وخلي حد ايود بنتج) وقعدي ويا ريلج قعدة حلوة
امممم يمكن الهدية تكون صعبة فـهالوقت .. بس ممكن تاخذين بطاقة وتكتبين فيها كلام حلوو ^_^
انا احتمال أكون بعدني فالـ40 يوم ايي يوم زواجنا …… فـموضوعج هذا بيفيدني يمكن أصرق أفكار
مشكووووورين كلكم
؟
ام رواضي فديتج لو اقترحتي علي اسم مطعم ؟ بس يكون قريب <<< خخخخ ماروم على فراق بنتي