هلا خواتي
من العنوان بشكارتي الفلبينية وصلت غير عن الصورة وسودة وانا استغربت كيف شيه
مش مهم ,, وصلت سعادتها وحسيتها مب مال مدينة ,, بعد مب مهم بس
كاتبة بورقه اسم رياييل محمد وعبدالله مع انها مسيحية وفوق هذا عندها ادوية ما اعرف مال الشو
مع العلم هيه نظيفه ومرتبه جربتها ’’ وتقول عندها 5 خوات بدبي حق بشكارتي الثانية فما اعرف
انا حسيت انها مال شردة وانها ناوية عالرحيل
بس جلت اخذ رايكن اردها المكتب ولا شو الادويه ما تاكدت منهن باخذ الصيديلية وبسال
بس موضوع خواتها هاللي مخوفني لان الخمس مره وحده بدبي
شوفى موضوع الادويه هذا عادى عندهم مجربه كم من واحده بهالشى ييبون معاهم ادويتهم اللى متعودين عليها بس اذا شفتى شى مريب بين الادويه فيج اتشكين اما سالفة خواتها الخمس هاى غريبه واسامى رياييل بعد غريبه فيج تسالينها او تخبرين اللى بالمكتب يفهمون منها السالفه وعن شكلها ترى اغلب المكاتب مقصه يحطون صور غير ومرتبه ويوم توصلج تنصدمين ولا اللى تحط صورتها وهى شابه ويوم توصل تقولين مطرشه امها مكانها الله يعين بس والله يعطيج خيرها ويكفيج شرها
رديها احسن اذا مب مرتاحه لها
اااااااااااه من الخدامات هممممممممممممم
بس حلوه هاي تقولين مطرشه امها مكانها هههههههههههههههههههههه تستوي
الله يعينج اختي ودي الادويه وتاكدي
بخصوص الخوات والله مادري صح شوي غريبه كلهن بمكان واحد
نحسن الظن جربيها شهرين والحين رمضان يايينا اكيد محتاجتنها
حبيبتي وااااايد تصير والهدف تدخل الدولة وبس
رديتها المكتب ماابا اعور راسي ,,, ويا الخدم ماعندي سالفة اضيع وقتي معاهن
مب محتايتنها وايد عندي غيرها
يوم مب محتايتنها ليش يايبتنها 
كل ما خفو البشاكير في البيت خفت مشاكلهم 